खोज

बुटवल ९ चैत्र । डढेलो नियन्त्रणका लागि तिन तहका सरकारको समान दायित्व हुनुपर्ने बुटवलमा आयोजित कार्यक्रममा औल्याइएको छ । सामुदायिक वन उपभोक्ता महासंघ रुपन्देही र सामाजिक परिवर्तन केन्द्रले संयुक्त रुपमा आयोजना गरेको संबाद कार्यक्रममा बोल्ने सरकारवालाहरुले आपसी समन्वय र सहकार्यले मात्रै डढेलोबाट हुनसक्ने क्षतिलाई न्यूनिकरण गर्न सकिने बताएका हुन ।

जंगली जनावरको शिकार गर्ने, च्याउ खोज्ने जाने, लागु औषध प्रयोगकर्ता तथा वन संग रुष्ट समूहका कारण बन जंगलमा डढेलो लाग्ने गरेको भन्दै उनीहरुले समूदायको सकृृयता बढाउदै आगो लगाउनेलाई कानूनको दायरामा ल्याउनु पर्नेमा जोड दिए ।

चुरे क्षेत्रका बन डेढेलोको उच्च जोखिममा रहेको भन्दै उनीहरुले डढेलो नियन्त्रण गर्ने सामूदायिक बनका पदाधिकारी तथा सदस्यहरुको मात्रै दायित्व हो भन्ने मानसिकता ल्याग्न आग्रह गरे । कतिपय सामूदायिक वनले जंगललाई आगालागीबाट जोगाउन अनुकरणीय कार्य गरेको भन्दै राम्रा अभ्यासहरुलाई अन्य सामूदायिक बनले पनि अनुशरण गर्नुपर्नेमा जोड दिए ।

कार्यक्रममा बोल्दै लुम्बिनी प्रदेश सभामा कृषि बन तथा वातावरण समितिका सभापति विश्वप्रेम पाठकले प्रदेश भित्रका बनलाई डढेलोबाट जोगाउन सकिएन भने यसले जैविक विविधतामा असर पुग्ने भएकोले सरकार र समूदायबीच सहकार्य आवश्यक रहेको बताए । उनले वनमा लाग्ने आगो नियन्त्रण गर्नका लागि प्रदेश सरकारले ८ देखि २५ लाख सम्मको बजेट विनियोजन गरेको जानकारी दिए ।

कार्यक्रममा बोल्दै डिभिजन वन अधिकृत प्रविण विडारीले बन जंगलमा आगालागीका घटना ९९ प्रतिशत लापरवाहीका कारण हुने गरेको भन्दै सरोकारवाला निकायबीचको आपसी समन्वय र सहकार्य आवश्यक रहेको बताए ।

सामूदायिक वन उपभोक्ता महासंघका केन्द्रीय सदस्य दिनानाथ आचार्यले सरकारको गलत नीतिका कारण पनि वनमा डढेलो अनियन्त्रित हुने गरेको बताउदै प्राकतिक श्रोत र साधनको सहि प्रयोग आवश्यक रहेको उल्लेख गरे ।

सामूदायिक वन उपभोक्ता महासंघ रुपन्देहीका अध्यक्ष सुमित्रा आचार्यले समूदायले संरक्षण गरेका वनबाट लाभ लिने बेलामा सरकारले अनावश्यक कर को भार थोपरेको भन्दै सामुदायिक कृयासिलता र तिन तहका सरकारको आपसी समन्वय बिना डढेलो नियन्त्रण हुन नसक्ने बताइन ।
कार्यक्रममा फेकोफोनका प्रदेश सदस्य यमवहादुर थापा, स्थानीय महासंघका अध्यक्ष गोपाल आचार्य, जिल्ला सल्लाहकार हुमबहादुर राहदी, बुटवल १ र २ का उपाध्यक्ष जीवलाल पौडेल, स्थानीय महासंघ तिलोत्तमाका सचिव भिमा सुवेदी, जिल्ला सचिव कमला ज्ञवाली, रुद्रपुर सामुदायिक बनका अध्यक्ष हिमाल थापा लगाएतले बोल्दै आफु सम्बद्ध वनमा रहेको डडेलोको जोखिम , नियन्त्रणका लागि अपनाइएको रणनीति तथा सामुदायिक सकृयताका विषयमा धारणा राखेका थिए ।