खोज

चन्द्रौटा, ९ चैत ।

नेपाल आदिवासी जनजाति महासंघ (फोनिज) कपिलवस्तुको अध्यक्षमा राम अवतार चौधरी चयन भएका छन् । बाणगंगा नगरपालिका–४ गजेहडामा भएको दोस्रो जिल्ला अधिवेशनले उनको अध्यक्षतामा ९ सदस्यीय कार्यसमिति चयन गरेको हो ।जसको उपाध्यक्षमा रचना खासु मगर रहेकी छन् । यस्तै सचिवमा सिर्जना थारु, कोषाध्यक्षमा उत्तम चौधरी, सहसचिवमा नरेश थारु चयन भएका छन् । यसैबीच नेपाल आदिवासी जनजाति पत्रकार महासंघ (फोनिज) का केन्द्रीय सदस्य कमलसिंह थारुले फोनिजलाई जिल्लामा चलायमान बनाउन सहयोग गर्ने प्रतिबद्धता जनाए । आदिवासी जनजातिको हक, अधिकार र पहिचान स्थापित गर्न पत्रकारिता क्षेत्रको भूमिका महत्वपूर्ण हुने बताउँदै आगामी दिनमा अझ सशक्त भएर अगाडि बढ्नुपर्नेमा जोडदिए ।

नेपाल पत्रकार महासंघ लुम्बिनी प्रदेश सदस्य सरिता थारुले सञ्चार जगतमा आदिवासी जनजातिको उपस्थिति अझ मजबुत हुनुपर्ने धारणा व्यक्त गरिन् । थारु कल्याणकारी सभाका पूर्व केन्द्रीय सदस्य जन्जिरप्रसाद थारु, थारु कल्याणकारी सभाका केन्द्रीय सदस्य उमाशंकर चौधरीले आदिवासी समुदायको हकहितमा काम गर्न नयाँ कार्यसमितिलाई सुझाव दिंदै फोनिजको भूमिकालाई थप प्रभावकारी बनाउनुपर्ने आवश्यकता औल्याए ।

नेपाल आदिवासी जनजाति महासंघ (फोनिज) कपिलवस्तुको नवनिर्वाचित अध्यक्ष चौधरीले आदिवासी जनजातिको हकअधिकारको रक्षा तथा सञ्चार क्षेत्रमा उनीहरूको पहिचान स्थापित गर्न सक्रिय भूमिका खेल्ने प्रतिबद्धता व्यक्त गरे ।