खोज

नेपालगन्ज, ८ चैत ।

६८ औं सहकारी दिवसको अवसरमा जिल्ला सहकारी संघ लिमिटेड बाँकेले सप्ताह ब्यापी कार्यक्रम गर्ने भएको छ ।

संघले आज नेपालगञ्जमा पत्रकार सम्मेलन गर्दै दिवसको अवसरमा गरिने सप्तह ब्यापी कार्यक्रम सार्वजनिक गरेको हो । यहि चैत २० गते मनाईने ६८ औं सहकारी दिवसको अवसरमा राष्ट्रिय सहकारी महासंघको निर्देशन अनुसार चैत ९ गतेदेखि नै विविध कार्यक्रम गर्न लागिएको जिल्ला सहकारी संघ लिमिटेड बाँकेका अध्यक्ष प्रेम सुवेदीले जानकारी दिए । कार्यक्रम अन्तर्गत चैत ९ गते जिल्लाभरीका सहकारी अध्यक्ष र ब्यवस्थापकहरुको उपस्थितीमा जागरण भेला गर्न लागिएको अध्यक्ष सुवेदीले बताउनुभयो ।

त्यसैगरी चैत ११ देखि १४ गते सम्म बैजनाथ गाउँपालिका, कोहलपुर नगरपालिका, नेपालगञ्ज उपमहानगरपालिका, राप्ती सोनारी र खजुरा गाउँपालिकामा रक्तदान कार्यक्रम आयोजना गर्न लागिएको उनले बताए ।

अध्यक्ष सुवेदीका अनुसार रक्तदान कार्यक्रममा जिल्ला सहकारी संघ लिमिटेड बाँके, जिल्ला बहुउद्देश्यि सहकारी संघ लिमिटेड बाँके र जिल्ला बचत तथा ऋण सहकारी संघ लिमिटेड बाँकेले संयोजन तथा समन्वय गर्नेछन् । यो भन्दा अगाडीका बर्षहरुमा सहकारीको रक्तदान कार्यक्रमबाट ६ सय ४४ पीन्ट सम्म रगत संकलन गरेको उदाहरण रहेको अध्यक्ष सुवेदीले स्मरण गराए । यस्तै दिवसको अवसरमा चैत १७ र १८ गते बदलिँदो समयमा सहकारीको भूमिका के हुन सक्छ भन्ने विषयमा दुई दिने कार्यशाला गोष्ठी आयोजना गरिँदै छ । यसैगरी चैत २० गते बाँकेका आठवटै पालिकामा रहेका सबै सहकारीहरुले कम्तमिा आफ्ना १० प्रतिशत सदस्यहरुको सहभागितामा विहान ८ बजे प्रभातफेरी ¥याली निकालेर सहकारी दिवस मनाउने र सोही दिन दिउँसो १ बजे नेपालगञ्जमा कार्यक्रम समापन गरिने अध्यक्ष सुवेलीले जानकारी दिए । यसैबीच दिवसकै अवसरमा चैत ९ देखि १९ गते सम्म सहकारीबाट कर्जा लिएर उदाहरणिय काम गरेका सहकारीका सदस्यहरुका सफलताको कथाहरु भिडियो र फोटो ग्राफी पदर्शनी गरिने उनले बताए ।

दिवसको अवसरमा भेटौं सदस्य भन्ने अर्को नयाँ कर्यक्रम पनि सुरुवात गर्नलागेको उनले बताए । चैत ९ देखि १९ गते सम्म सहकारीको अवस्था बुझन् कम्तीमा १० प्रतिशत सेयर सदस्यलाई भेटघाट गरिने उनको भनाई छ । यसैगरीसुखमा सहकारी, दुःखमा सहकारी कार्यक्रम अन्तर्गत बर्षैभरीसहकारीका ४० प्रतिशत सदस्यहरुलाई सहकारी शिक्षा र बित्तिय साक्षरता तालिम दिईने अध्यक्ष सुवेदीले बताए । बाँकेमा ४ सय ८ वटा सहकारी स्थापना भएकोमा २० प्रतिशत सहकारी निष्कृय अवस्थामा रहेको र दुईवटा सहकारी समस्याग्रत अवस्थामा रहेको संघले जनाएको छ ।