खोज

चन्द्रौटा, १० चैत ।

श्रमजीवी पत्रकार ऐन कार्यान्वयनको अवस्था, चुनौती र भावी रणनीति विषयक कपिलवस्तुमा अन्तरक्रिया भएको छ ।शनिबार गोरुसिंगेमा भएको अन्तरक्रियालाई सम्बोधन गर्दै न्यूनतम पारिश्रमिक निर्धारण समितिकी अध्यक्ष संगीता खड्काले पत्रकारिता पेशालाई व्यवस्थितढंगले अघि बढाउने बताइन् । पत्रकारलाई उचित पारिश्रमिक नदिएसम्म पत्रकारिता गुणस्तरीय बन्न नसक्ने उनको भनाइ छ ।

खड्काले भनिन् – ‘अझै पनि धेरै मिडियाले पत्रकारलाई न्यूनतम पारिश्रमिक नदिँदा एउटै पत्रकारले धैरे मिडियामा काम गर्नुपर्ने अवस्था छ, त्यस्तो अवस्थामा पत्रकारले दिने कन्टेन गुणस्तर हुन सक्दैन् ।’ यस्तै पत्रकार महासंघका निवर्तमान केन्द्रीय अध्यक्ष विपुल पोखरेलले पत्रकारिता व्यवसायलाई श्रममैत्री बनाउन राज्य, सञ्चार गृह र पत्रकार महासंघले संयुक्त पहल गर्नुपर्नेमा बताए ।

यसैबीच नेपाल पत्रकार महासंघका अध्यक्ष डिलाराम भुसालले समानुपातिक विज्ञापन नीति प्रभावकारी ढंगले कार्यान्वयन नहुँदा मिडिया समस्यामा रहेको बताए । पत्रकार महासंघका केन्द्रिय सदस्य विकास बन्जाडे, निवर्तमान प्रदेश अध्यक्ष बसन्त गिरी, पत्रकार महासंघका केन्द्रीय सदस्य रामaराज पोखरेल, निर्धारण समितिकी सदस्य शान्ता अधिकारी लगायतले कार्यक्रमलाई सम्बोधन गरेका थिए ।