खोज

पाल्पाको तिनाउ गाउँपालिका–३ भुलखोला स्थित सरकारी वनमा धमाधम रुख कटान भएको खुलासा भएको छ । मुख्य राजमार्ग किनारमा भैरहेको अबैध वन फँडानीमा स्थानीयको संलग्नता रहेको वन कार्यालय पाल्पाले जनाएको छ ।
वनमा रहेका रुख कटान गर्न नपाईने र काट्नु परे जिल्ला वन कार्यालयबाट लिनुपर्ने स्वीकृतिलाई लत्याउँदै भुतखोला फेमेली रेस्टुरेन्टका सन्चालक यमप्रसाद पान्डेले सालका रुख काटेका हुन् । केही समयदेखि होटल सन्चालन गर्दै आएका पान्डेले आफ्नो जग्गा भएको लामो समय देखि प्रयोग गर्दै आएकाले रुख काटेको स्वीकार गरे । रुखहरूले घर च्याप्ने जस्तो देखीएपछी रुख कटान गरीएको उनको भनाई छ । तर जिल्ला वन कार्यालय पाल्पाले उक्त ठाउँ सरकारी जंगल भएको र पान्डेले बिना सुचना अबैध रूपमा ३ वटा रुख कटान गरेको फेला पारेको बताएको छ ।
यसरी मुख्य सडक किनारमा धमाधम रुख कटान हँुदा समेत सेक्टर वन कार्यलय दोभान बेखबर हुनुले वनको कर्मचारीको समेत मिलेमतोमा रुख कटान गरीएको स्थानियले आरोप लगाएका छन् । स्थानीय भन्छन्–धेरै काठहरू चिरान भैसकेको भन्दै लाज पचाउन समाएजस्तो गरेको हो रुख काटेर सेउला हाँगाहरू लुकाउन भिरमा फालीएको छ । यता जिल्ला बन कार्यालय पाल्पाका सहायक बन अधिकृत अर्जुन चापागाइले सरकारी बनमा ३ बटा सालका रुख कटान गरेको फेला पारेको बताए । करीब ३३ क्यूफिट काठ समेत फेला पारेको भन्दै रुख काटेको स्वीकार गरेकाले कानुन बमोजिम कार्बाही हुने चापागाईले बताए । बन ऐन अन्तरगत अनुसन्धान भैरहेको र अदालतको आदेशमा संलग्न ब्यक्तिलाई समेत नियन्त्रणमा लिएर कार्बाही अगाडी बढाइने चापागाईले बताए ।
कटानमा संलग्न कसैलाई पनी कार्बाहीको दायरामा लिएको छैन स्रोतका अनुसार काटेका सालका रुख लुकाउन हाँगा तथा घाँस पैरोमा फालेर माथिबाट माटोले पुर्नेसम्मको प्रयास भएको छ । यसरी दिउँसै अबैध रुख कटान हँुदा समेत थाहा नपाएजस्तो गर्ने वन कर्मचारीलाई कार्बाहीको दायरामा ल्याउनु जरुरी देखिन्छ । Photo:file source Google