खोज

गुल्मीमा चितुवाको आक्रमणबाट एक महिला घाईते बनेकी छन् । जिल्लाको धुर्कोट गाउँपालिका ४ स्थित जैसिथोक निवासी ३१ वर्षीय तारादेवि पोख्रेललाई विहिवार बिहान चितुवाले आक्रमण गरेको हो । बिहान ६ बजेतिर घर नजिकै रहेको गोठमा बाख्रा सार्नका लागि खोरको ढोका खोल्ने क्रममा खोरभित्र रहेको चितुवाले पोख्रेलललाई झम्टिएको हो ।  ‘बिहान गोठमा गएर खोरवाट बाख्रा निकाल्छु भनेर खोरको ढोका के खोलेकी थिए ँभित्रबाट एक्कासि झम्टियो, त्यसपछि मेरो होसै हरायो’ उनले भनिन्–‘बेलुकी खोरमा चारवटा बाख्रा थुनेर घरफर्केकी थिएँ, विहान जाँदा ढोका बन्द नै थियो, रातीचितुवाले कसरी ढोका खोलेछ, चितुवाले ढोका खोलेपछि होला दुईवटा बाख्रा राती नै बाहिर निस्केछन्, कसैलाई पनि थाहा भएन, विहान एक्कासि त्यस्तो भयो, पछि थाहा पाएँ खोरमा रहेका मध्ये एउटाको त खुन खाएर मारिसकेको छ रे अर्को झोक्रिएको छ’ जिल्ला अस्पताल तम्घासमा उनले भनिन् ।
बाघको आक्रमणबाट घाइते भएकी पोखरेललाई उपचारका लागि काठमाडौं पठाइएको छ । जिल्ला अस्पताल गुल्मीमा उपचारपछि थप उपचारको लागि काठमाडौं पठाइएको जिल्ला प्रहरी कार्यालय गुल्मीका प्रहरी उपरीक्षक दिपककुमार बस्नेतले जानकारी दिए ।
गतवर्ष पनि गुल्मीमा चितुवाले गोठमै आएर दुई दर्जन भन्दा वढी घरपालुवा जनावरहरूलाई आक्रमण गरि मारिसकेको डिभिजन वन कार्यालय गुल्मीका प्रमुख कृष्णराज न्यौपानेले बताए ।
चितुवाले यसरी मानव वस्तीमा आएर आक्रमण गर्नु र उसको विगविगि बढ्नुको मुख्य कारण जंगलहरू बढ्दै जानु, गाउँमा मानिसहरूको वसोवासमा कमि हुँदै जानु लगायतका कारणहरू रहेको न्यौपानेले बताए ।