© २०२३
परासी, २३ कात्तिक । नवलपरासी पश्चिम क्षेत्र नं १ का उम्मेदवार, पूर्वमन्त्री एवम् जनता प्रगतिशील पार्टीका अध्यक्ष हृदयेश त्रिपाठीले आफ्नो लडाई स्वभिमानको लडाँई भएको बताएका छन् ।
आफ्नो निर्वाचन क्षेत्रमा आयोजित संयुक्त कोणसभालाई सम्बोधन गर्दै उनले मुख्य प्रतिस्पर्धी उद्योगपति विनोद चौधरीप्रति इंगित गर्दै उनले यस्तो बताएका हुन् । नेपालको अर्थतन्त्र सीमित ठूला घरानाको उद्योगी ब्यापारी र बिचौलियाको कब्जामा गइसकेको र अब विस्तारै राजनीतिमा पनि धनाढ्यहरु हावी हुन थालेको भन्दै त्रिपाठीले विनोद चौधरीसंगको आफ्नो प्रतिस्पर्धा एउटा निर्वाचन क्षेत्रको मात्र नभई देशभरकै जनमत संग्रह भएको तर्क गर्दै आएका छन् ।
अर्थतन्त्रसंगै राजनीतिलाई बिचौलिया र धनाढ्यको हातमा जान नदिन स्वाभिमानका लागि आफू उम्मेदवार बनेको त्रिपाठीले बताउंदै आएका छन् । त्रिपाठीले संसदमा अर्बपति ब्यापारी नभई राजनीति गरेका मान्छे नै जानुपनेृ तर्क समेत गर्दै आएका छन् । त्रिपाठीलाई एमाले र जसपाको समर्थन छ भने सत्ता गठबन्धनको समर्थन चौधरीलाई छ ।
अध्यक्ष त्रिपाठीले दुई पटक समानुपातिक तर्फबाट सांसद बनिसकेका चौधरीको संसदीय भूमिका शुन्य रहेको बताएका छन् । बजेट र नीति निर्माणका समयमा मात्रै उपस्थित हुने र अरु समयमा अनुपस्थित नहुने भन्दै उनले चौधरी प्रतिनिधीसभा सदस्यका लागि असक्षम उम्मेरदवार भएको दाबी समेत गरे । चौधरी सांसद पदको लागि असक्षम प्रतिनिधी पुष्टी भएको भन्दै फेरी चुनावमा आउनु नालायकीपन भएको आरोप लगाए । यस क्षेत्रको चुनावी प्रतिस्पर्धा एक अर्बपति र एक राजनितिक कार्यकर्ता बिचको लडाई भएको उनले बताए ।
त्रिपाठीले विनोद चौधरी व्यक्ति नभएर प्रवृत्ति भएको टिप्पणी गरे । आफुले यस क्षेत्रको स्वाभिमान र प्रतिष्ठा जोगाउदैं आएको भन्दै उनले पुनः मतदान गरेर विजयी गराउन मतदानहरुलाई अपिल समेत गरे ।