खोज

खग प्रसाद चापागाई/कपिलवस्तु १७ असार

कपिलवस्तु प्रहरीको टोलीले दुई छुट्टा छुट्टै स्थानबाट एक थान रिबल्बर र २२ केजी चरेस सहित ५ व्यक्तिलाई नियन्त्रणमा लिएको छ । जिल्ला प्रहरी कार्यालय कपिलवस्तुबाट खटिएको सादा पोशाकको प्रहरीको टोलीले कपिलवस्तु नगरपालिका ११ जहदीमा लु २३ प ८८३ नम्बरको मोटरसाईकलमा शंका लागी चेकजाँच गर्दा सोही स्थानका मातेश्वर अहिरको साथबाट एक थान रिबल्भर फेला परेको जनाईएको छ । उनी सवार मोटरसाईकलका चालक सोही स्थानका नन्द किशोर यादवलाई समेत नियन्त्रणमा लिईएको प्रहरी उपरिक्षक मनोज कुमार यादवले जानकारी दिए । त्यसै गरि वडा प्रहरी कार्यालय चन्द्रौटाको टोलीले शिवराज नगरपालिका १ उमरी चोकबाट २२ केजी चरेस सहित तिन व्यक्तिलाई नियन्त्रणमा लिएको छ । वडा प्रहरी र नेपालगंज स्थित अनुसन्धान समुहको संयुक्त टोलीले सवारी साधनको चेकजाँच गर्ने क्रममा रा ३ प २३४३ नम्बरको मोटरसाईकलमा सवारहरुले बोकेको झोला र बोरामा रहेको २२ केजी चरेस नियन्त्रणमा लिएको जनाईएको छ । बरामद चरेस सगै प्रहरीको टोलीले झोला र बोरा बरामद गरिएका व्यक्तिहरु रोल्पा थवाङ्ग गाँउपालिका घर भई हाल शिवराज नगरपालिका १ उमरीचोक बस्ने राश कुमार रोका, सोहि स्थानका किरण प्रकाश बम र दाङ्ग जिल्ला तुल्सिपुर उपमहानगरपालिका ६ का आशिष खड्कालाई प्रहरीले नियन्त्रणमा लिएको उपरिक्षक यादवले जनाए । यसै बिच जिल्ला प्रहरी कार्यालय कपिलवस्तुले पत्रकार सम्मेलनको आयोजना गरि नियन्त्रणमा लिईएकाहरुलाई सार्वजनिक गरेको छ ।