खोज

नवलपुर, १२ मंसिर ।

पुर्वी नवलपरासीमा गत कात्तिक ३ गते बुलिङटारबाट कावासोती आउदैँ गरेको यात्रु बाहक जीप दुर्घटनामा एकै घरका दुई जना दिदी भाइको मृत्युु ३२ जना घाइते भए । सो जिप दुर्घटना हुँदा मर्मतका लागि एक करोड ३२ लाख बढि खर्च आएपछि अहिले तनाव उत्पन्न भएको छ ।

मुस्किलले ८ देखि १० जना अटने जीपमा ३४ जना यात्रु लिएर कावासोती आउँदै गरेको जीप प्रहरी चेकिङ छल्न कुमसोतबाट बालुवाडाँडा हुदै कावासोती आउने क्रममा तिव्र गति र क्षमता भन्दा बढी यात्री बोकेका कारण दुर्घटना भएको थियो ।

क्षमता भन्दा धेरै यात्रु बाकेर आएको जीप दुर्घटनाको समाचारले झस्किए, केही समय सावधान र सचेत पनि भए । तर, केही दिनमै घटनासँगै समाचार पनि आउन छाडे । सडक सुरक्षाको बहस सेलायो सँगसँगै क्षमता भन्दा धेरै यात्रु बोक्ने क्रम सुरु भयो त्यति मात्रै होईन त्यसरी क्षमता भन्दा धेरै यात्रु बोकेर आउने तर प्रहरीको चेकिङ छल्न चालक र सहचालकले उही पुरानै पारा सुरु गरे चेकिङ अगाडी यात्रु ओराल्ने केही पर गएर फेरि चढाउने गरेका बुलिङ्टारका स्थानीय हनेमराज रानाभाटले बताए ।

प्रहरीलाई खबर गरे प्रहरीकै गाडीमा आउने जानु गर्नु, बिरामी पर्दा प्रहरीलाईनै बोलाउनु भनेर भावानात्मक दबाब समेत दिने गरेको ती जिपमा चढेर हिड्नु पर्ने यात्रु बताउँछन ।

नवलपुरको दलदलेबाट पहाडी क्षेत्र जाने यातायात नवलपुर लेकबेसी यातायात प्राली र चौतारी यातायात प्रालीका रहेका छन् । दलदलेबाट माथी जाने बाटे उकालो, ओराली, धेरै घुम्ती तथा मोड एवं भिर भएको क्षेत्र पर्दछ । पटक पटक क्षमता भन्दा यात्रु बोकर फर्कने तथा जाने क्रममा दुर्घटना भएका छन् ।

यातायातका चालक र सहचालकले प्रहरीको चेकिङ छल्न यात्रु ओराल्ने र फेरि चढाउने गरेको भेटन साथ कार्वाही गर्ने गरेको भए पनि त्यो क्रम भने नरोकिएको जिल्ला ट्राफिक कार्यालय नवलपुरले जनाएको छ । अहिले ट्राफिक प्रहरीले यातायातका चालक, सहचालक र सवारी धनिलाई जरीवाना लिई सचेत गराएर छाडने गरेको छ । यो विषयमा नवलपुर लेकबेसी यातायात प्रालिका अध्यक्ष युवराज बस्यालले खर्च अनावश्यक बढेकाले धान्नै गाह्रो भैरहेको बताए ।