खोज

कृष्ण खनाल /बुटवल स्थानियको सक्रियातामा बोरिङ्ग गाडेको ३ बर्ष बित्दा समेत पानी खान नपाएको भन्दै आर्दशनगर क्षेत्रका स्थानियहरुले बुटवल उपमहानगर पालिकाको वडा नम्बर ४ को कार्यालय घेराउ गरेका छन् । आईतबार विहान करिव १० बजे बाट वडा अध्यक्षलाई कार्यालयमा प्रवेश गर्न नै नदिई वडा कार्यालय घेराउ गरेका थिए । स्थानिय तहको लापरवाहीले विद्युत जडान नहुदा पानी खान नपाएको स्थानीयको भनाई छ ।
वि.स. २०७१ साल जेठ २ गते स्थानियहरुको सक्रियतामा ४ लाख २ हजार १ सय ७३.७३ रुपैयाँ र स्थानिय हरुको २ लाख २७ हजार रुपैयाँ लागतमा बुटवल–४ आर्दश नगरमा खानेपानीको लागि बोरिङ्ग गाडिएको थियो । आर्दशनगर खानेपानी तथा सरसफाई संस्थाका सचिव जगन्नाथ बस्यालका अनुसार अहिले पनि बुटवल उपमानगरपालिकाले उक्त आयोजानको लागि करिव ५ लाख रुपैयाँ बजेट विनियोजन गरेको छ । जसमा उपभोक्ताहरुले १ लाख ४३ हजार रुपैयाँ थपेका छन् ।
स्थानियहरुको सक्रियतामा करिव ३ सय घर धुरीलाई पुग्ने गरी बोरिङ्ग गाडे पनि स्थानिय निकायले विद्युत लैजानको लागि सहयोग गर्नुको साटो उदासिनता देखाएको उपभोक्ता समितिका अध्यक्ष श्याम पन्थले जानकारी दिए । उनले भने–‘पटक पटक बैठक मिटिङ्ग, बसियो, नगरपालिकाले विद्युत लैजानको लागि तार पोल सबै ल्याएका भएपनि आवश्यक पहल गरिदिएन, जनप्रतिधि आएपनि पछि पहल नहुँदा हामी आक्रोसित भएका हौं ।’ विद्युतको लागि स्थानियहरुले नेपाल विद्युत प्राधिकारण संग विद्युत टान्समिटर, विद्यूत पोल र तार(कालो कभरगरिएको) पनि किनेर राखेका छन् । तर बुटवल उपमहानगरपालिकाले आवश्यक सहयोग नगरेको कारण पोल गाड््न नपाएको उपभोक्ताहरुको आरोप रहेको छ ।
आईतबार करिबर २ सय को संख्यामा उपभोक्ताहरुले नगरपालिका वडा नम्बर ४ को कार्यालय घेराउ गर्दै वडा अध्यक्ष टंक प्रसाद पारजुलीलाई विद्युत पोल गाड्ने स्थान सम्म लगेर अवलोकन गराउनुको साथै लक्ष्मीनगर–आर्दशनगर जोड्ने बाटो तुरुन्त जोड्नको लागि माग समेत गरेका थिए । नेपाल विद्युत प्राधिकरणलाई भ्याट बापतको ५० हजार रुपैयाँ समेत स्थानियहरुले बुझाइसकेका छन् । उक्त खानेपानीको सञ्चालन गर्नको लागि नगरपालिका र उपभोक्ता समिति विच २०७४ चैत २४ गते सम्झौता समेत भैसकेको थियो । यद्यपी विद्युत विस्तारमा पहलको ढिलाईको कारण तिन महिना थप सयम लम्बिएको छ ।
यता, बुटवल उपमानगरपालिका वडा नम्बर ४ का अध्यक्ष टंक प्रसाद पराजुलीले स्थानियहरुको माग अनुसार बुटवल उपमानगरपालिकाबाट बजेट विनियोजन गराई बोरिङ्ग गाड्ने काम भएको र विद्युतको विस्तारको लागि एक जना घरधनीको असहमतीको कारण केही ढिलाई भएको बाउछन् । उनले स्थानियहरुको माग अनुसार नै विद्युतको व्यवस्थापन गर्नको लागि वडा कार्यालय पटक पटक लागेको भएपनि केही अवरोध आएको कारण समस्या समाधान नभएको बताए । तर अव विद्युतको लागि पनि आफ्नो पहल भएको कारण अव धेरै दिन नलग्नेमा विश्वस्त हुन आग्रह गरे । उनले भने–‘म स्वयम नै फिल्डमा खटेर काममा लागेको छु, छिट्टै काम सकिन्छ ’