खोज

रोल्पा १६ कात्तिक । रोल्पा नगरपालिका सडक मानव मुक्त नगरपालिका वनेको छ । जिल्ला सदरमुकाम लिवाङमा लामो समय देखी वेवारिसे जीवन यापन गर्दै आएका सडक मानवहरुको व्यवस्थापन गरेसंगै रोल्पा नगरपालिका सडक मानव मुक्त नगरपालिका वनेको हो ।
उसले सदरमुकाम लिवाङमा वेवारिसे जीवनयापन गरिरहेका ४ सडक मानव र २ अनाथ वालकहरुको व्यवस्थापन गरेको छ । वेवारिसे जीवन विताई रहेकोकाहरुका आफन्तको आग्रहका आधारमा संवन्धित वडा कार्यालयको समेत समन्वयमा उनीहरुलाई व्यवस्थापन गरिएको नगरपालिकाले जनाएको छ ।
नगरपालिकाले २ महिला, २ पुरुष सहित ४ सडक मानव र २ अनाथ वालकको व्यवस्थापन गरेको हो । सडक मानवको रुपमा व्यवस्थान गरिएका चारै जना मानसिक सन्तुलन गुमाएका व्यक्तिहरु हुन ।
मानसिक सन्तुलन गुमाएका उनीहरु रोल्पा नगरपालिका सहित जिल्लाका विभिन्न स्थानवाट आई सदरमुकाम लिवाङमा लामो समय देखी वेवारिसे जीवन विताउदै आएका थिए ।
उनीहरु मध्ये रोल्पा नगरपालिका वडा नं. ९ का एक पुरुषलाई दुई वर्ष अघि नै नगरपालिकाले व्यवस्थापन गरेको थियो । यस वर्ष २ महिला र १ पुरुष सहित थप ३ जनालाई व्यवस्थापन गरिएको छ ।
यस वर्ष रोल्पा नगरपालिका वडा नंं ३ को १ महिला र १ पुरुष तथा माडी गाउँपालिका वडा नं २ को १ महिला लाई मानव सेवा आश्रम वुटवलमा व्यवस्थापन गरिएको रोल्पा नगरपालिकाका उपप्रमुख गीत आचार्यले जानकारी दिईन । उनीहरुको व्यवस्थापन गरे वापत आश्रमलाई नगरपालिकाले १ लाख ५० हजार उपलव्ध गराएको थियो ।
मनसिक सन्तुलन गुमाएर घर छाडेपछि उनीहरुलाई आफन्त तथा परिवारले समेत वेवास्ता गरेका थिए । घर छाडेर लामो समय देखी सदरमुकाम लिवाङ वजारमा सडक मानवको रुपमा जीवन विताउदै आइरहेका उनीहरु खाने, वस्ने तथा सरसफाई जस्ता सामान्य कुरावाट समेत वंचित रहदै आएका थिए ।
नगरपालिकाले हेरचाह र पालनपोषण गर्ने आफन्तको अभावमा कुपोषणको संक्रमणमा परेका २ बालकहरुलाई समेत व्यवस्थापन गरेको छ । रोल्पा नगरपालिका वडा नं. ४ का दाजुभाई उनीहरुको पालनपोषण, रेखदेख सहित पढाउने गरि नितेन मेमोरियल स्कूल काठमाण्डौमा भर्ना गरिएको रोल्पा नगरपालिकाले जानकारी दिएको छ । विद्यालय संग समन्वय गरि त्यहाँ सम्म उनीहरुलाई पु¥याउने काममा नगरपालिकाले सहयोग गरेको थियो ।
नगरपालिकालाई सडक मानव रहित वनाउने मेरो चूनावी प्रतिवद्धता अनुसार काम गरेको रोल्पा नगरपालिकाका उपप्रमुख गिता आचार्यको भनाई छ । “निर्वाचित भएर आएपछि नगरपालिकालाई सडक मानव मुक्त वनाउने कामलाई पहिलो प्राथमिकतामा राखेर कार्यान्वयन गरेको हुँ” नगर उपप्रमुख आचार्यले भनिन । “अहिले रोल्पा नगरपालिका तथा सदरमुकाम लिवाङमा वेवारिसे जीवन यापन गरिरहेका सडक मानव छैनन”आचार्यले भनिन ।