खोज

नवलपुर, १४ कात्तिक ।

पुर्वी नवलपरासीको मध्यविन्दु –२ कोल्हुवामा जारी राईनो संरक्षण गोल्डकप फुटबल प्रतियोगिताको फाईनल खेलमा टाईवेकरमा ४–२ गोल अन्तरले एपिएफ क्लव बिजयी भएको छ । यो सँगै राईनो संरक्षणको सातौ संस्करणको उपाधि चुमेको छ ।

खेलको दोस्रो हाफको १९ औ मिनेटमा नेपाल ए पि एफ स्पोर्ट क्लवका दिपेश धिमालले पहिलो गोल गरेका थिए । जवाफी गोल ३८ मिनेटमा नमोबुद्धका खेलाडीले गरेका थिए ।

दुबै टिमबाट १÷१ गोल भएसँगै खेल टाईवेकरमा गएको थियो । टाईवेकरमा ४÷२ गोल अन्तरले नेपाल ए.पि एफ सपोटस क्लबले जीत हासिल गरेको छ ।

सातौ अन्तर्राष्ट्रिय आमन्त्रित राईनो संरक्षण गोल्डकप फुटबल प्रतियोगितामा विजेताले नगद रु ८ लाख, मेडल, ट्रफी र प्रमाणपत्र प्राप्त गर्यो भने उप विजेताले नगद रु ४ लाख मेडल, ट्रफी र प्रमाणपत्र प्राप्त गरेको छ ।

बुधबारको खेलमा म्यान अफ द म्याचको उपाधि ए पि एफका दिपेश धिमाल भए भने खेल अवधि भरमा उत्कृष्ट प्रशिक्षक नेपाल एपिएफ कलवका रत्न महर्जन भएका थिए । सर्वाधिक गोलकर्ता सिजन छेत्री भए । उत्कृष्ट प्रशिक्षक र सर्वाधक गोलकर्ताले जनही १०÷१० हजार प्राप्त गरे भने उत्कृष्ट खेलाडी नेपाल एपीएफका युबराज खड्काले नगद २० हजार र मेडल प्राप्त गरे । त्यस्तै मेन अफ द म्याच दिपेश धिमालले नगद रु ५ हजार प्राप्त गरे ।