खोज

लमही, २९ भदौ ।
दाङमा स्क्रब टाइफस र डेगुका बिरामी भेटिन थालेका छन् । राप्ती स्वास्थ्य विज्ञान प्रतिष्ठानमा उपचारका लागि आएका बिरामीमा स्क्रब टाइफससँग मिल्दोजुल्दो लक्षण देखिएपछि परीक्षण गर्दा पोजेटिभ संक्रमण देखीने विरामीको संख्या बढ्दै गएको हो । २०८१ सालको पछिल्लो ५ महीनामा १ सय वढि विरामीहरूमा स्क्रब टाइफसको संक्रमण भेटिएको प्रतिष्ठानका सुचना अधिकारी निशानदाजु भट्टराइले जानकारी दिए । गएको बैशाखदेखी भदौ २७ गतेसम्ममा १ हजार ३ सय ८४ जना विरामीहरूले आफ्नो स्वास्थ्य परीक्षण गरेकोमा १ सय ५७ जनामा पोजेटिभ देखीएको भट्टराइले बताए ।

स्क्रब टाइफसका पोजेटिभ देखीएका ती बिरामीमा ज्वरो आउने, पसिना आउनेलगायतका लक्षण देखिने र बेलैमा उपचार गरे निको हुने भए पनि ढिलाइ गरे ज्यानै जान सक्ने पनि हुन्छ । सुचना अधिकारी भट्टराइले दिएको जानकारी अनुसार २०८० साउनदेखी २०८१ असार मसान्तसम्ममा ३ हजार ९ सय ४२ जना विरामीमा परीक्षण गरीएकोमा ७ सय ३६ जनामा पोजेटिभ देखीएको थियो ।

त्यसै गरी डेंगु संक्रमित बढेका छन ।दाङमा दैनिक डेंगु संक्रमित बिरामीको संख्या बढेको छ । राप्ती स्वास्थ्य विज्ञान प्रतिष्ठानमा उपचार गर्न आउने विरामीहरूको स्वास्थ्य परीक्षणकाक्रममा पछिल्ला समय डेंगु सङ्क्रमण ह्वात्तै बढेको देखिएको हो । प्रतिष्ठानका सुचना अधिकारी भट्टराइले गएको भदौ १ गतेदेखी १७ गतेसम्म १ हजार २ सय ९९ जनाको परीक्षण भएकोमा २९ जनामा डेंगु पोजेटिभ देखीएको जानकारी दिए । उनले भदौ १७ गतेदेखी २४ गतेसम्म १९ जनामा डेंगु पोजेटिभ देखीएको बताए । डेंगु पोजेटिभ देखीएका अधिकांश घोराहीका रहेका छन् । भट्टराइका अनुसार २०८० साउनदेखी २०८१ असार सम्म ७६ जनामा डेंगु पोजेटिभ देखीएको छ ।

डेंगु सङक्रमणका बिरामी बढ्न थालेपछि ‘लामखुट्टेको लार्भा खोजौँ र नष्ट गरौं’ अभियानलाई जिल्ला जनस्वास्थ्य कार्यालय दाङसहीत स्थानिय तह मातहतका स्वास्थ्य कार्यालय तीव्रता दिएका छन् । जिल्लाका सबै पालिकामा सरसफाइ र सचेतनामूलक कार्यक्रमलाई निरन्तरता दिइएको कार्यालयहरूले जनाएको छ ।

डेंगु संक्रमितको संख्या बढ्दै जान थालेपछि सतर्कता अपनाउन स्वास्थ्य संस्थाहरूले आग्रह गरेका छन् । साथै टोल बस्तीमा पुगेर सरसफाइका साथै सचेतनामूलक कार्यक्रमलाई निरन्तरता दिँदै आइएको छ । प्रत्येक घरघरमा पानीका भाँडा छोपेर राख्ने, पानी जम्न नदिने, लामो बाहुला भएका कपडा लगाउने र सुत्दा झुलको प्रयोग गर्न सचेत गराइएको चिकित्सकहरू बताउँछन् । प्रतिष्ठानमा अस्पतालमा अउने बिरामीमध्ये अधिकांश झाडापखाला, ज्वरो, डेंगु र स्क्रब टाइस्क्रबफस हुने गरेका छन् ।