खोज

नवलपुर, २८ भदौ ।

पूर्वी नवलपरासीको कावासोतीमा रहेको जिल्ला सरकारी वकिलको कार्यालयका सरकारी वकिल हरि घिमिरेले घुस खाएको भन्दै कावासोतीमा प्रदर्शन गरिएको छ ।

विहिबार नवलपुर जिल्ला अदालत र जिल्ला सरकारी वकिलको कार्यालय अगाडि पीडितहरुले प्रदर्शन गरेका हुन् । पीडितहरुले सरकारी वकिल हरि घिमिरेले पीडकसँग २९ लाख रुपैयाँ घुस खाएर पीडकको पक्षमा लागेर कृते जालसाजी मुद्दाको फाइल अगाडि नबढाएको आरोप लगाएका छन् ।

पीडित रामप्रसाद महतोले पीडक अमृतमाया भुसालसँग आर्थिक लेनदेन गरेर सरकारी वकिल हरि घिमिरेले मुद्दा नै ढिसमिस पारेको आरोप लगाएका छन् ।

पीडितहरुले सरकारी वकिल हरि घिमिरे विरुद्ध नाराबाजी समेत गरेका थिए । उनीहरुले पैसासँग न्यायालय नसाट्न चेतावनी दिएका थिए । अदालत मार्गको चौताराबाट नवलपुर जिल्ला अदालत, जिल्ला सरकारी वकिलको कार्यालय नवलपुर हुँदै पुन नवलपुर जिल्ला अदालतसम्म पुगेर नवलपुर जिल्ला अदालत अगाडि कोण सभा गरेका थिए ।

कृते, जालसाजी मुद्दाका आरोपित कावासोती निवासी अमृत भुलले नवलपुरमा २७ जनालाई मिटरब्याजमा पैसा लिएर कृते गरी जग्गा हडपेको, सम्बन्धित पीडितको नक्कली हस्ताक्षर गरेर बैंकको रकम बैंकका कर्मचारीसँग मिलेर झिकेको जस्ता आरोपमा प्रहरीले २३ दिन नियन्त्रणमा लिएर अनुसन्धान गरेको जिल्ला प्रहरी कार्यालय नवलपुरका प्रहरी नायव उपरीक्षक वेदबहादुर पौडेलले बताए । अमृत भुसालको मुद्दामा सरकारी वकिलको कार्यालयले प्रमाण नपुगेको भन्दै मुद्दा दर्ता नै नगरेका कारण भुसाललाई २३ दिनको दिन छाड्नु परेको जिल्ला प्रहरी कार्यालय नवलपुरका प्रहरी नायव उपरीक्षक वेदबहादुर पौडेलको भनाई छ ।

भुसालले विगत १० बर्षदेखि मिटरब्याजमा पैसा लगाउने र १० लाख रकम दिएकोसँग १ करोडको सम्पत्ति हडप्ने गरेको पीडित पक्षले आरोप लगाएका छन् । कावासोतीमा रहेको मिटरब्याजी पीडित संघर्ष समिति, युवा दस्ता नवलपुरको टोलीले नवलपुर जिल्ला अदालत र जिल्ला सरकारकारको कार्यालय अगाडि प्रदर्शन तथा नाराबाजी गरेका हुन् ।

नाराबाजी पछि आयोजित कोण सभामा बोल्दै मिटरब्याजी पीडित किसान संघर्ष समिति नवलपुरका अध्यज्ञक्ष हेमराज दाहालले आर्थिक लेनदेनमा परेर मुद्दालाई कमजोर बनाएको आरोप लगाए । न्यायालयमाथि आमनागरिकको विश्वास नै उठ्ने गरी सरकारी वकिल र न्यायाधिशहरुले नै पीडकसँग घुस खाएर पीडितलाई न्याय दिनुको सट्टा झन पीडा दिने गरेको दाहालको भनाई छ ।

त्यसैगरी युवा दस्ता नवलपुरका अध्यक्ष दीपक वस्नेतले पैसासँग न्याय साटेर पीडितलाई झन पीडा दिने सरकारी वकिल हरि घिमिरे लगायतलाई कारवाही नगरिएर जनस्तरबाटै कारवाही गर्ने चेतावनी दिएका छन् ।