खोज

पाल्पाको पुर्वखोला गाँउपालिकाले घरमै पुगेर ज्येष्ठ नागरिकको स्वास्थ्य परिक्षण शुरु गरेको छ । गाँउपालिका भित्र रहेका ७० वर्ष माथिका सबैलाई घरमा पुगेर स्वास्थ्य परिक्षण गर्नुका साथै उनीहरुको अवस्थाका बारेमा जानकारी लिन उद्देश्यले कार्यक्रमको आयोजना गरिएको स्वास्थ्य शाखा प्रमुख मोहन ढकालले जानकारी दिए ।

गाँउपालिकाले पुरानो योजना अनुसार ८० वर्ष माथिका ज्येष्ठ नागरिकको स्वास्थ्य परिक्षण गर्नुका साथै उनीहरुलाई पौटिक आहार र न्यायो कपडा प्रदान गरेको ढकालले बताए ।

स्वास्थ्य परिक्षण तथा परामर्श सेवा प्रदेश सरकार र पुर्वखोला गाँउपालिकको सहयोगमा शुरु गरिएको गाँउपालिका अध्यक्ष नुनबहादुर थापाले बताए । गाँउपालिकामा रहेका ज्येष्ठ नागरिक १ हजार ३ जना, ४९ जना फरक क्षमता भएका र ९ जना अपाङ्ता भएकाहरुलाई सेवा प्रदान गरिने शाखा प्रमुख ढकालले बताए । यसरी स्वास्थ्यकर्मीहरु घरमै पुगेर स्वास्थ्य परिक्षण गर्दा ज्येष्ठ नागरिकको स्वास्थ्य अवस्था बुझन र उनीहरुको रोग पहिचान गर्न सहज भएको ढकाल बताउँछन् ।
मंगलबारबाट शुरु भएको परिक्षण तथा परामर्शमा धेरै जसो ज्येष्ठ नागरिकमा दम, मधुमेह, सुगर प्रेसर जस्ता समस्याहरु रहेका छन्। यसरी परिक्षण गर्दा कठिन रोगहरु द्येखा परेमा गाँउपालिकाले उपचारको व्यवस्था समेत गरेको ढकालले बताए । गाउँपालिकाका अनुसार यो अभियान फागुन ८ गतेसम्म सञ्चालन हुनेछ ।