खोज

बाँके जिल्लाका ४८ प्रतिशत नागरिकले कोभिड – १९ बिरुद्धको पुर्ण खोप लगाएका छन । पहिलो खोप लगाउनेको संख्या ६५ प्रतिशत रहेको छ । खोपबाट बन्चित भएका नागरिकहरुको खोजि अभियान समेत शुरु गरिएको स्वास्थ्य कार्यालय बाँकेका प्रमुख धिरजङ्ग शाहले बताए ।

नेपालगन्ज उपमहानगरपालिकाको स्वास्थ्य शाखाले प्रत्येक घर घरमा पुगेर सर्वेक्षण अभियान नै शुरु गरेको छ । गैरसरकारी संस्थाको सहयोगमा १८ बर्ष माथिका सबै नगरबासीहरुलाई कोरोना बिरुद्धको पुर्ण खोप लगाइदिने अभियान अनुसार जनप्रतिनिधि, कर्मचारी र स्वास्थ्यकर्मी सहितको टिमले नगरका घर घरमा पुगेर खोप लगाएरनलगाएको बारेमा सर्वेक्षण गरी खोपको पहुँचमा आउन नसकेका घररसमुदायर क्षेत्रलाई पुर्ण खोप बनाउने अभियान संचालन गरेको स्वास्थ्य शाखा कोभिड फोकल पर्सन राजन शाहीले जानकारी दिए ।

खोप नलगाएकाहरुको पहिचान गरी उनिहरुलाई पुर्ण खोपको पहुँचमा ल्याउन अभियान संचालन गरिएको स्वास्थ्य शाखा प्रमुख रामबहादुर चन्दले जानकारी दिए । पुर्ण खोप लगाउनमा कमजोर देखिएका वडाहरुको पहिचान गरी हाललाई ती वडामा मात्र बिशेष पहल गरिएको छ । पुर्ण खोपको पहुँच भित्र आउन नसकेका, लक्षित गरिए अनुसार पुर्ण खोप लगाउन नसकिएका र लक्ष्य हासिल गर्न नसकिएका वडाहरु ३, ११, १५ र २१ नम्बरमा हाल यो अभियान संचालन गरिएको र पछी अन्य सबै वडामा संचालन गरिने शाहीले जानकारी दिए ।

ती वडाका खोप नलगाएकाहरुलाई गत पुस १ गतेबाट वडा नम्बर २ को हनुमानगढीमाई मन्दिर गौशालामा खोप केन्द्र संचालन गरी खोप लगाइदै आएको उनले बताए । यो अभियान पुस महिना भरी जारी रहनेछ ।

नगर स्वास्थ्य शाखाले घर घरमा पुगेर घरका सबै सदस्यले खोप लगाएकाको घरमा हरियो स्टिकर, आधा सदस्यले मात्र लगाएकाको घरमा पहेलो स्टिकर र घरका कुनैपनि सदस्यले नलगाएकाको घरमा रातो स्टिकर टाँसेको छ । खोप अभियान पनि संचालन गर्दै लैजाने र १० दिन भित्रमा पुनः ती घरहरुमाअनुगमन गरी स्टिकर परिवर्तन गर्ने स्वास्थ्य शाखाले जनाएको छ । यस्र्तै अभियान अन्य पालिकामा समेत शुरु हुँदै छ ।

२०७७ माघ १४ गतेदेखि २०७८ मङ्सिर २९ गतेको समयावधिमा बाँकेका ४८.६ प्रतिशत नागरिकले कोभिड – १९ बिरुद्धको पुर्ण खोप र ६५.१ प्रतिशत नागरिकले सिङ्गल डोज खोप लगाएको स्वास्थ्य कार्यालय बाँकेका प्रमुख शाहले जानकारी दिए ।

शाहका अनुसार, बाँके जिल्लाको कुल जनसंख्या ६ लाख १९ हवार ३ सय ३७ रहेको छ । खोप लगाउनु पर्ने १८ बर्ष माथि उमेर समुहको लक्षित जनसंख्या ४ लाख ६ हजार १ सय ६५ रहेको छ । जसमध्ये, १ लाख ९७ हजार ५ सय १७ जनाले पुर्ण खोप लगाएका छन भने २ लाख ६४ हजार ४ सय ९१ जनाले पहिलो डोज खोप लगाएका छन । १ लाख ४१ हजार ६ हजार ७४ जनाले पहिलो डोज र १ हजार ९७ हजार ४ सय ५२ जनाले दोश्रो मात्राको खोप लगाउन बाँकी रहेको उनले बताए ।

त्यसैगरी, जिल्लाभर पहिलो मात्राको खोप लगाई दोस्रो मात्राको खोप नलगाउने (ड्रप आउट) को संख्या २५.३ प्रतिशत रहेको छ । कोरोनाको सम्भावित त्रासलाई मध्यनजर गर्दै सीमामा समेत निगरानी राखिएको छ । सीमामा आउने माथी निगरानी बढाउनुका साथै जिल्लाभर पुर्ण कार्यक्रमलाई प्रभावकारी बनाइएको स्वास्थ्य प्रमुख शाहले बताए ।