खोज

लुम्बिनी प्रदेशको मुख्यमन्त्री कुलप्रसाद केसी प्रदेश सरकारको बाँकी अबधि १६ महिना नै मुख्यमन्त्री बन्ने चर्चा शुरु भएको छ । विभिन्न अड्कलबाजीका साथ उनी मुख्यमन्त्रीमा निरन्तरता हुने चर्चा चलेको हो ।

पाटीको पकड तुलानात्मक रुपमा लुम्बिनी प्रदेशमा राम्रो भएको हुँदा मुख्यमन्त्रीमा कुलप्रसाद केसीलाई नै निरन्तता दिन माओवादी केन्द्र प्रयासरत भएको बताइन्छ । मुख्यमन्त्री रहेको अवस्थामा चुनावमा जाँदा चुनावी परिणाम आफ्नो पाटी अनुकुल आउने सक्ने उसको आंकलन छ । अहिले पनि सात प्रदेशमध्ये लुम्बिनीमा माओवादी केन्द्रले मुख्यमन्त्री सहित सभामुख र प्रदेश प्रमुखको जिम्मेवारी लिएको छ ।

जनता समाजवादी पाटी (जसपा) पनि मुख्यमन्त्री केसीलाई मुख्यमन्त्रीमा निरन्तरता दिने पक्षमा देखिएको छ । जसपाका प्रदेश स्तरका एक नेताले मुख्यमन्त्री फेरबदल हुँदा नेता र राजनीतिप्रति नै गलत सन्देश जाने हुँदा आफुहरु प्रदेशको बाँकी अबधीमा मुख्यमन्त्री फेरबदल गर्न नहुने मान्यतामा रहेको बताए । छोटो अबधीमा मन्त्री फेरबल हुँनु राम्रो होइन ति नेताले बुटवल टुडेसँग भने, आठ/आठ महिनामा मुख्यमन्त्री र मन्त्री फेरबल हुँदा जनतामा सन्देश गलत जान्छ । ति नेताले विकल्पहरु तयार गरी अहिलेकै मुख्यमन्त्रीलाई निरन्तरता दिदा राम्रो हुने हुँदा त्यसतर्फ आफुहरुले पहल गर्ने बताए । उनले मन्त्रीहरु फेरबदल गरेर भएपनि अहिलेकै मुख्यमन्त्रीलाई निरन्तरता दिनुपर्ने बताए ।

नेपाली कांग्रेसले भने ८ महिनापछि काग्रेसको मुख्यमन्त्री सहित अर्को मन्त्रीमण्डल गठन हुने बताइसकेको छ । अहिलेको गठबन्धनको सहमती जे छ त्यस अनुसार नै दलका माननीयहरु मुख्यमन्त्री र मन्त्रीमा फेरबदल हुने कांग्रेसका नेताहरु बताउँछन् ।

मुख्यमन्त्रीका लागी पालोमा रहेका कांग्रेसका नेता विरेन्द्रकुमार कनौडियाले आलोपालो नेतृत्व गर्ने सहमतिअनुसार आगामी फागुन २ गतेसम्म माओवादीका दल नेता कुलप्रसाद केसीले नेतृत्व गर्ने र त्यसपछि कांग्रेसले सरकारको नेतृत्व गर्ने सहमति भएको बताउँदै आएका छन् ।

यस्ता छन् ६ संभावना
१) केन्द्रमा काग्रेस र माओवादीको गठबन्धन निरन्तरता नहुनसक्छ त्यस अवस्थामा केसी नै मुख्यमन्त्री निरन्तर रहने ।

२) कांग्रेसका तर्फबाट ८ महिनापछि मुख्यमन्त्री बन्ने भनेका विरेन्द्रकुमार कनौडियाको उखु किसानको बिषयले गर्दा केसी मुख्यमन्त्री बन्नमा सहयोग पुग्ने ।

३) आठ महिनापछि कांग्रेसलाई मन्त्रीको संख्या थपेर केसीलाई मुख्यमन्त्रीमा निरन्तरता दिने ।

४) माओवादी केन्द्रले गठबन्धन दल जसपा र जनमोर्चालाई केसीको निरन्तरताका लागि लबिङ गर्ने ।

५) माओवादीले गण्डकी प्रदेशको मुख्यमन्त्री कांग्रेसलाई नै छाडेर लुम्बिनी प्रदेशमा मुख्यमन्त्री नछाड्ने ।

६) केन्द्रको गठबन्धन कायम रहे कुनै मुद्दामा कांग्रेससँग लेनदेन गरी लुम्बिनीको मुख्यमन्त्री नछाड्ने ।