खोज

रुपन्देहीको पब्लिक माध्यमिक विद्यालयका दुई विद्यार्थीले लुम्बिनी प्रदेशमा डिप्लोमा प्राविधिकतर्फ उत्कृष्ट नजिता ल्याएका छन् । सर्भे इन्जिनियरिङको तेस्रो समेष्टरमा राकेश कुमार बानियाँ र सिभिल इन्जिनियरिङको पाचौ समेष्टरमा पवन कुमार गुप्ताले उत्कृष्ठ नतिजा ल्याएका हुन् ।

बाँनियाको ९२.५९ प्रतिशत अंक आएको छ भने गुप्ताको ८८.५७ प्रतिशत अंक आएको विद्यालयका प्रधानाध्यापक डिलाराम खनालले जानकारी दिए । बाँनियाको ९२.५९ प्रतिशत अंक प्रदेशकै सर्वोत्कृष्ट भएको खनालले बताए ।

उक्त विद्यालयमा दुबै धारको डिप्लोमाको सबै समेष्टरमा गरी सिभिलतर्फ १ सय जना र सर्भेतर्फ ६७ जना गरी १६७ जना विद्यार्थी अध्ययनरत छन् ।

विद्यालयमा २७ जिल्लाका विद्यार्थीहरु भर्ना भइ पढिरहेको विद्यालयले जनाएको छ । विद्यालयका अनुसार रुपन्देही सहित नवलपरासी, कपिलवस्तु, पाल्पा, अर्घाखाँची, गुल्मी, प्यूठान, रोल्पा, दाङ, रुकुम पूर्व, रुकुम पश्चिम, दैलेख, जाजगरकोट, कैलाली, सुर्खेत, कालिकोट, सप्तरी, धनुषा, बारा, स्याङजा, बाग्लुङ, पर्वत, मोरङ, डडेलधुरा लगायत जिल्लाका विद्यार्थी पढिरहेका छन् । तुलनात्मक रुपमा प्रदेशमै नतिजा राम्रो देखिएको हुँदा पब्लिक माविमा संचालन भउको सर्भे र सिभिल इन्जिनियरीङतर्फ विद्यार्थीको आकर्षण बढेको विद्यालयले जनाएको छ ।

विद्यार्थीले स्थानीय रुपमा कोठा भाडामा खोजेर पढ्दै आएपनि यो बर्षदेखि छात्राहरुका लागि विद्यालयको छात्रावासमा आवासको व्यवस्था गरिने प्रधानाध्यापक खनालले बताए । उनका अनुसार विद्यालयमा निर्माण भएको छात्रावासमा ४८ जना छात्रा अट्नसक्ने क्षमता रहेको छ । उक्त दुबै डिप्लोमा तहको तीनबर्षे कोर्सका लागि विद्यालयले १ लाख ८० हजार शुल्क लिने गरेको जनाएको छ । उक्त रकमबाट विद्यार्थीले ६ सेमेष्टरका सबै पाठ्यपुस्तकहरु निःशुल्क रुपमा विद्यालयले उपलब्ध गराउने गरेको छ ।