खोज

दाङको तुलसीपुर बसपार्क निर्माण सम्पन्न हुनुपर्ने तीन महिनाको म्याद बाँकी रहदा आधा काम मात्र पूरा भएको छ । सम्झौता भएको एक बर्षमा टर्मिनल भवन, सपिङ स्टल निर्माणको काम पुरा भएको छ । ट्वाईलेट ब्लग, सडकबाटो, सडक बत्ति निर्माणको काम बाँकी रहेको तुलसीपुर उपमहानगरपालिकाका ईञ्जिनियर पवनकुमार योगीले बताए । तुलसीपुर उपमहानगरपालिका र ठेकेदार कम्पनी शिबशक्तिबीच १५ महिनामा आधुनिक बसपार्क निर्माणको काम सक्ने सम्झौता भएको थियो ।
बसपार्क निर्माणका लागि छुट्यााएको १० करोड मध्ये ४ करोड रकम एक बर्षमा खर्च भईसकेको उनले बताए । तुलसीपुर बसपार्कको ग्यारेजले गर्दा समस्या भएको भन्दै ग्यारेज जति छिटो अन्यत्र ठाउँमा सर्छ, त्यति छिटो काम पुरा हुने निर्माण ब्यबसायीको भनाई छ । ग्यारेज सार्नका लागि तुलसीपुर ६ र ९ को किनारामा अटोभिलेज निर्माणको काम भईरहेको छ । तुलसीपुर बजारको बसपार्क पातुखोलामा सारेको २२ वर्ष वितिसक्दा पनि त्यसको अवस्थामा सुधार आउन सकेको थिएन् । बर्षादमा हिलाम्मे र अन्य समयमा धुलाम्मे हुने समस्या थियो । तर बसपार्क आधुनिक भएसंगै त्यो समस्या हट्ने अनुमान गरिएको छ । विगत २२ बर्ष देखि पातुखोलाको वसपार्कको स्तरउन्नती गर्ने वा आधुनिक बनाउने सपना पुरा हँुदैछ । करिब ३४ करोडको लागतमा निर्माण हुने उक्त बसपार्कको पहिलो चरणको काम दश करोडको हुने छ । बहुबर्षिय योजना अन्तरगत राखिएको बसपार्क निर्माणको पहिलो चरणमा ५÷५ प्रतिसत व्याजदरमा नगर बिकास कोषले उपलब्ध गराएको ९ करोड तथा कोषको एक करोड अनुदान र तुलसीपुर उप–महानगरपालिकाको ५० लाख गरि कुल १० करोड ५० लाखमा काम हुने छ । सोही रकमबाट १६ कोठे टर्मिनल भवन, गार्डेन, रेष्टुरेन्ट, ५२ वटा सपिङ्ग स्टल, सार्बजनिक सौचालय, रेष्टरेन्ट, पक्की सडक र सडक बत्ति निर्माण गरिने ईञ्जिनियर योगीले बताए ।

३ करोड १६ लाख ९८ हजारमा टर्मिनल भवन निर्माण हुने छ भने २ करोड ४४ लाख २२ हजारमा ५२ वटा सटर रहेको सपिङ स्टल निर्माण गरिने ईञ्जिनियर योगीले जानकारी दिए । भित्र टिकट काउन्टर, रेष्टुरेष्ट, प्रशसनिक भवन, हेल्प डेक्स र बीचमा बगैचा निर्माण हुनेछ ।
टर्मिनल भवन निर्माण सम्पन्न भए लगतै सार्वजनिक सौचालय निर्माण, सडक तथा सडक वत्ति निर्माणको काम शुरु गरिने उनले जानकारी दिए । साबिक तुलसीपुर नगरपालिकाले ५ बर्ष अघिदेखि बसपार्क निर्माणका लागि प्रक्रिया शुरु गरेपनि बिभिन्न बाधा व्यवधान र अबरोधका कारण समयमा बसपार्क निर्माणको कार्य शुरु हुन सकेको थिएन् । त्यहाँका बासिन्दाले बसपार्कलाई आधुनिक बनाउन लामो संघर्ष गरेपछि आधुनिक बसपार्क निर्माणको कार्य शुरु भएको हो ।
२०५२ सालमा पातुखोलाको बगरमा स्थानतरण गरिएको उक्त बसपार्क आधुनिक बनाउन माग गर्दै त्यहाँका बासिन्दा पटक पटक बिभिन्न निकायमा डेलिगेशन गएका थिए । कहिले नगरपालिका, कहिले नगर बिकास कोषमा डेलिगेशन गए । त्यसको फल स्वरुप अबको १० महिनामा आधुनिक बसपार्क निर्माणको कार्य शुरु हुँदैछ । आधुनिक बसपार्क निर्माण भएपछि यहाँ आउने यात्रुहरुलाई आवत जावतमा पनि सहज हुने छ । गाडि पार्किङ ब्यबस्थित हुने तथा बसपार्क आसपासमा बसोबास गर्दै आएका बासिन्दाहरु धुलो मुक्त हुने छन् ।
(((