खोज

रोल्पाको एक विद्यालयका पूर्व विद्यार्थीले १ करोडको अक्षय कोष घोषणा गरेका छन । रोल्पा सदरमुकाम लिबाङमा रहेको बालकल्याण नमूना माध्यामिक विद्यालयका पूर्व विद्यार्थीहरुले छात्रवृत्तीका लागी उक्त अक्षयकोष स्थापना गरेका हुन ।
रोल्पा जिल्लावाट संघीय संसद र प्रदेश सभामा निर्वाचित वर्तमान तथा पूर्व जनप्रतिनिधिहरुवाट ३५ लाख उठाउने भएको छ । यसैगरि जिल्लाका स्थानीय तह र वडाहरुवाट ३० लाख संकलन गरिने भएको छ । उद्योग वाणिज्य संघ तथा व्यवसायीहरुवाट १६ लाख संकलन हुने अपेक्षा गरिएको छ । जिल्ला स्थीत सरकारी र गैर सरकारी कार्यालय तथा कर्मचारीहरुवाट ५ लाख, विद्यालयको आन्तरिक कोषवाट ५ लाख,पूर्व विद्यार्थीहरुवाट ५ लाख संकलन गरिने भएको छ । अभिभावक तथा विद्यार्थीवाट २ लाख र विद्यालयका शिक्षक,कर्मचारी तथा अन्यवाट २ लाख संकलन गरि सो अक्षयकोष स्थापना गरिने पुर्व विद्यार्थी मंचका अध्यक्ष खिमवहादुर घर्तीले जानकारी दिए ।
उक्त अक्षय कोष स्थापनाको पहिलो दिन उर्जा जलश्रोत तथा सिचाई मन्त्री वर्षमान पुनले सो कोषका लागि ५ लाख सहयोग गरेका छन । यसैगरि विद्यालयको तर्फवाट विद्यालय व्यवस्थापन समितिका अध्यक्ष महेश न्यौपानेले समेत ५ लाख रकम सो कोषमा जम्मा गर्ने प्रतिवद्धता व्यक्त गरेका छन । वाँकी रकम निकट भविष्यमा संकलन गरि अक्षय कोष स्थापना गर्छौ पुर्व विद्यार्थी मंचका कोषाध्यक्ष नैना डाँगीले भनिन । रकम संकलन हुने वित्तिकै अक्षयकोष नियमावली वनाई त्यसको व्याजवाट गरिव,द्धन्दपीडित, अपांगता भएका र जेहेन्दार विद्यार्थीलाई छात्रवृत्ती वितरण गछौ कोषाध्यक्ष डाँगीले भनिन ।
पूर्व विद्यार्थी मंचको प्रथम अधिवेशन तथा अक्षय कोष घोषणा कार्यक्रममा सो विद्यालयका पूर्व विद्यार्थी समेत रहेका उर्जा जलश्रोत तथा सिचाई मन्त्री वर्षमान पुन प्रमुख अतिथि थिए । कार्यक्रममा वोल्दै मन्त्री पुनले २०४२ साल देखी आफुले माध्यमिक तहमा आफुले अध्ययन गरेको विद्यालयलाई सहयोग गर्न पाउदा निकै खुसी लागेको वताए । छात्रवृत्तीले गरिव, जेहेन्दार द्धन्द्धपिडित र अपांग विद्यार्थीहरुको पठन पाठनमा सहयोग पुग्ने मन्त्री पुनले आशा व्यक्त गरे । विद्यालय आउदा आफुले लामो समय सम्म जुत्ता चप्पल लगाउन नपाएको स्मरण गर्दै गरिव भएकै कारण पढाई छोड्नु पर्ने वाध्यता अहिले नभएको मन्त्री पुनको भनाई थियो ।
जिल्लाको नमूना माविको थप विकास र स्तरवृद्धीका लागि पूर्व विद्यार्थीले खेलेको भूमिकाको प्रशंसा गर्दै विद्यालयलाई देशकै नमूना वनाउन आफुले पनि सक्दो सहयोग गर्ने प्रतिवद्धता व्यक्त गरे । पढ्नको लागि अझै पनि जिल्ला वाहिर जानु पर्ने वाध्यता रहेको औल्याउदै जिल्ला भित्रै गुणस्तरीय प्राविधिक शिक्षालयको स्थापना गर्न आफु लागि परेको मन्त्री पुनको भनाई थियो ।
जिल्ला सदरमुकाम लिबाङमा २०२३ सालमा स्थापना भएको सो विद्यालयमा हालै पूर्व विद्यार्थी मंच गठन गरिएको छ । मंचमा उपराष्ट्रपति नन्दवहादुर पुन, सभामुख कृष्णवहादुर महरा, मन्त्री वर्षमान पुन, पूर्व सभामुख ओनसरी घर्ती, प्रदेश ५ का आन्तरिक मामिला तथा कानून मन्त्री कुलप्रसाद केसी समेत आजिवन सदस्य रहेका छन । प्रथम अधिवेशन मार्फत मंचले नयाँ नेतृत्व समेत चयन गरेको वताइएको छ ।