खोज

निर्मला पन्तको बलात्कारपछि हत्याको काण्डमा न्याय खोजिएका बेला कपिलवस्तु जिल्लाको शुद्धोधन गाँउपालिकाकी बलात्कारमा परेकी एक किशोरी र उनका परिवारलाई गाँउपालिकाका अध्यक्षले मिल्नका लागी दबाब दिएको खुल्न आएको छ ।
शनिबार बिहान गाँउपालिकाको वडा नम्बर २ कि मदारगढकी २१ बर्षिय किशोरीलाई सोही स्थानका ३० बर्षिय सोलिन्दर अहिरले जबरजस्ती करणी गरेको युवतीले बताईन । बिहान १० बजेको समयमा आफु नजिकैको घतुरगढबाट स्विटर बुन्नका लागी ऊन किनी आउदै गर्दा अहिरले आफुलाई लतारेर गाँउ देखी दक्षिणको कुखुरा फर्ममा लगेर कुटपिट गरेको पिडित किशोरीको आरोप छ ।
कुटपिटले आफनो मुखमा घाउचोट लागेर निलडाम समेत परे पछि जबरजस्ती करणी गरेको पिडित युवतीको भनाई छ । घटना पछि आफुहरु न्याय खोज्न प्रहरीमा गएको जनाउदै आफनो परिवारलाई घटना मिलाउन भन्दै मानसिक यातना दिईएको उनले गुनासो पोखिन । पिडितलाई कानुनी कारवाही गरि आफुलाई न्याय दिलाउनु पर्ने उनले माग गरिन ।
आफनी छोरीलाई छोरीलाई कुटपिट गरि करणी गर्नेलाई कारवाही हुनु पर्ने पिडितका बाबुले बताए । घटना पछि आफुले प्रहरीमा जाहेरी दिन जाँदा शुद्धोधन गाँउपालिकाका अध्यक्ष निसार अहमद खाँले पैसा लिएर घटना मिलाउन दबाब दिएको उनले गुनासो गरे ।
“गाँउपालिका अध्यक्ष निसार अहमद खाँले प्रहरीमा उजुरी दर्ता नगराउन दबाब दिनु भयो । केहि पैसा लिएर घटना मिलाउ, मुद्दा प्रक्रियामा गए झमेला हुन्छ भन्नु भयो । मैले पनि गरिबको छोरी पनि छोरी हो तपाईहरुलाई परे के हुन्छ भनेर प्रश्न गरें ।” उनले गम्भिर हुदै भने । आफुले छोरीलाई पिडित बनाउने पिडकलाई कारवाही र छोरीलाई न्याय प्राप्त हुनु पर्ने उनले माग राखे ।
घटना बारे बुझदा जबरजस्तीकरणी भएको पिडितको जाहेरीका आधारमा आरोपी सोलिन्दर अहिरलाई नियन्त्रणमा लिईएको जिल्ला प्रहरी कार्यालय कपिलवस्तुका प्रबक्ता प्रहरी नायब उपरिक्षक रबि रावलले जानकारी दिए । “घटना बारे जानकारी भए लगत्तै हामीले आरोपीलाई नियन्त्रणमा लिई थप अनुसन्धानका लागी अदालतबाट म्याद थप गरिएको छ ।”
नायब उपरिक्षक रावलले भने । जघन्य प्रकृतीको फौजदारी कसुरमा अनुसन्धान र कारवाही प्रक्रिया अगाडी बढाउन प्रहरीले कुनै कसर बाकी नराख्ने उनले प्रतिबद्धता व्यक्त गरे । पिडित परिवारलाई दबाब दिएको बिषयमा टुडेकर्मीले गाँउपालिका अध्यक्ष निसार अहमद खाँलाई फोनबाट प्रतिक्रिया लिदा पिडित किशोरी अबिबाहित रहेकाले घटनालाई गाँउ ठाँउमै मिलाउन आफुले पहल गरेको स्विकार गरे ।
“पिडित किशोरीको उपस्थितीमा उनका बाबु आमालाई छोरीको बिहे भएको छैन । मुद्दा लामो जाला भनेर सम्झाएको हो । उनीहरुले मानेनन ।” उनले भने । केहि रकम दिएर मुद्दा मिलाउन पहल गरे पनि पिडितका बाबुले नमानेको उनले स्पष्ट पारे । “पिडितको ईज्जतका लागी मिलाउने हो नत्र अपराध गरेकालाई किन मिलाउनु प¥यो र । मिलाउन पहल गरेको थिए किशोरीको बुवाले मानेनन ।” अध्यक्ष खाँले थपे । ३ बर्ष अघि तिनै किशोरीलाई सोही व्यक्तिले सोही प्रकृतीको घटना गर्दा मेलमिलापमा टुङ्गिएको हल्ला सुनेकाले आफुले घटना मिलाउन पहल गरेको उनले बताए ।
पहिल्लो समय स्थानिय तहमा न्यायिक समितीले कार्य सम्पदान गर्न थाले पछि जनप्रतिनिधीले फौजदारी प्रकृतिका मुद्दालाई समेत मेलमिलाप गर्न दबाव दिने गरेको बिषय सो घटनाले उजागर गरेको एक मानव अधिकारकर्मीले बताए । “स्थानिय तहका जन प्रतिनिधीले कस्ता मुद्दा मिलाउने भन्ने बिषयमा गम्भिर रुपमा जानकारी हासिल नगरेकै कारण आफनो क्षेत्राधिकार बाहिरका मुद्दामा हस्तक्षेप गर्दा बिभिन्न समस्या सिर्जना हुन सक्ने अवस्था छ ।” उनले भने ।
कानुनले नै जघन्य मानेका फौजदारी प्रकृतीका कसुरलाई मेलमिलापमा लानै नमिल्ने र सो कार्य गर्ने गराउने कार्य पनि अपराध भएको जिल्ला न्यायाधिबक्ता कमलराज पन्थी बताउछन । मुलुकी अपराध (सहिंता) ऐन २०७४ को भाग २ को परिच्छेद १८ को करणी सम्बन्धि कसुरको महलको दफा २१९ को उपदफा ३ (ङ) मा १८ बर्ष वा १८ बर्ष भन्दा बढि उमेरकी महिलालाई करणी गरेको ठहर भए ७ बर्ष देखी १० बर्ष सम्म कैद सजाय हुन सक्ने व्यवस्था रहेको छ ।