खोज

बिहीबार साती साढे आठ बजे घर नजिकै हत्या गरिएका गत बर्ष सम्पन्न निर्वाचनमा कपिलवस्तु १ (ख) प्रदेश सभा निर्वाचनमा स्वतन्त्र उम्मेदबार रहेका दिपेन्द्र कुमार चौधरी (राजा बाबु) को हत्यापछि परिवारजन शोक मग्न बनेको छ ।
हत्या पछि बुवा रामरक्षा कुर्मी, श्रीमती चादनी चौधरी सहित परिवार शोक मग्न बनेको हो । मृतक चौधरीलाई लबनी–शिवलवा सडकखण्ड स्थित शुद्धोधन गाँउपालिका ४ मोतीभारीमा लबनी तर्फ आउने क्रममा हत्या गरिएको थियो ।
लबनी आउने मुख्य सडकमै चार जनाको समुहमा रहेका व्यक्तिले उनी माथी गोली प्रहार गरेको स्थानियले बताए । शरिरमा ६ गोली लागेका उनलाई लबनी स्वास्थ्य चौकीमा उपचार हुन नसके पछि भैरहवा स्थित भिम अस्पतालमा पु¥याईएको थियो । भिम अस्पतालमा पु¥याईएका उनलाई चिकित्सकले मृत घोषणा गरेका थिए । बिहिबार राती मृत्यु भएका उनलाई पोष्टमार्टम पश्चात लबनी ल्याईएको थियो ।
यस अघि मृतक चौधरीका भाई सँग स्थानिय अजित कुमार पाण्डेय (बन्टी) सहितका व्यक्तिसँग शुद्धोधन गाउँपालिका ३ लबनी स्थित अभिराव मदिरा पसलमा बिवाद भएको थियो । भाईसँग बिवाद भएको जानकारी पाएर लबनी आउँदै गरेका उनी माथी बाटैमा गोली प्रहार भएको हो । शव लबनी ल्याईए सगै मृतक चौधरीका आफन्त र परिवारजनले हत्याका मुख्य आरोपी अजित कुमार पाण्डेय (बन्टी) सहितका व्यक्तिलाई प्रहरीले नियन्त्रणमा लिन नसकेको भन्दै आक्रोशित बनेका थिए ।
आक्रोशित स्थानियले तौलिहवा लुम्बिनी सडकखण्डको लबनीमा सडक अवरुद्ध गर्दै पाण्डेयको लबनीमा रहेको परमिला एण्ड सन्स पेट्रोल पम्पमा तोडफोड प्रयास गरेका थिए । सो क्रममा प्रहरी र स्थानिय बिच झडप समेत भएको थियो । हत्यामा संलग्नलाई अभिलम्ब कारवाही गर्दै आफुहरू आन्दोलित भएको मृतकका भिनाजु शत्रुधनबिलास कुर्मीले बताए । प्रहरीले पेट्रोल पम्पमा तोडफोड गर्न नदिए पछि आक्रोशित स्थानियले घटना समाधानको लागी पुगेका प्रमुख जिल्ला अधिकारी अर्जुन प्रसाद पोख्रेल सवार गाडीमा ढुङ्गा मुढा गरेका थिए । स्थानिय र प्रहरी बिचको झडमा केही व्यक्ति सामान्य घाईते भएको खुल्न आएको छ ।
आक्रोशित स्थानियले शुद्धोधन गाँउपालिका ४ मोतिभारी स्थित आरोपित पाण्डेयको घरमा आगजनी गरि कम्बाईन हारबेस्ट, टयाक्टर र सवारी साधन समेत जलाएका थिए । आगजनीले पाण्डेयको घर र सवारी साधन जल्दा १ करोड ५० लाख बढिको क्षति भएको अनुमान गरिएको छ । स्थानिय राजनितीक अगुवा, मृतकका परिवार र प्रशासन बिच लामो छलफल पछि मृतकका परिवारले शव बुझने सहमती गरेका थिए । जिल्लाको शुद्धोधन गाँउपालिका ४ मोतीभारीको लबनी शिवलवा सडकखण्डमा शुक्रबार राती गोली प्रहार गरि हत्या गरिएका चौधरीलाई सहिद घोषणा गर्नु पर्ने, तत्कालै क्षतिपुर्ति दिनु पर्ने र हत्यारालाई अभिलम्ब पक्राउ गर्नु पर्ने भन्दै परिवारजन र आफन्तले शवलाई दाह संस्कार गर्न मानेका थिएनन । मृतक चौधरीका परिवार र आफन्तजनको उपस्थितीमा प्रहरी चौकी लबनीमा प्रमुख जिल्ला अधिकारी अर्जुन प्रसाद पोखरेलले सहित घोषणाको माग केन्द्रलाई जानकारी गराउने, उपयुक्त क्षतिपुर्तिका लागी पहल गर्ने र हत्यारालाई नियन्त्रण गर्न स्थानिय प्रशासनले कुनै कसर बाकी नराख्ने प्रतिबद्धता जनाए पछि परिवारका सदस्यले शवको दाह संस्कार गर्न सहमती जनाएका हुन । “तपाईहरूले केहि दिनमै हत्यारा पक्राउ गर्नु पर्छ भन्ने मागमा हुनु हुन्छ । हामी जति सक्दो चाडो नियन्त्रणमा लिने योजनामा छौ । सुरक्षा सँग जोडिएका कतिपय बिषय बोल्न मिल्दैन । अपराधीलाई हामी चाडो भन्दा चाडो नियन्त्रणमा लिएरै छाड्छौ ” मृतकका परिवारजन सँग प्रजिअ पोख्रेलले भने । यता घटनाको अनुसन्धानका लागी दुई जनालाई नियन्त्रणमा लिईएको प्रहरी उपरिक्षक अच्युतम प्रसाद पुडासैनीले जानकारी दिए ।
…………………….
हत्याको बिरोधमा दिनभरि तनाव
लुम्बिनी ८ मंसिर– युवानेता चौधरी हत्याको बिरोधमा शनिवार दिनभरि कपिलबस्तु तनावग्रस्त बनेको छ । हत्या पीडित आफन्तजनले मृतक दीेपेन्द्र चौधरीको शव राखी हत्यारालाई कानूनी कार्यवाही तथा क्षतिपूर्तिको माँग गर्दै हत्याका आरोपित फरार बन्टी चौधरी लगायतलाई पक्राउ गर्न खानतलाशीको क्रममा पाँचथान एअरगन अबैध हतियार प्रहरीले फेला पारेपछि पीडित पक्षले उनको घरमा आगजनी गरेका हुन ।
आगजनिबाट एकथान टयाक्टर, एकथान धानकाटने कम्पायन मेशीन एकथान मोटरसाईकल खाद्यान सामग्री जलेर खरानी भएको कपिलबस्तु प्रहरी प्रबक्ता डी.एससपी.रबि रावलले जानकारी गराए । स्थिती नियन्त्रण गर्ने क्रममा ५० राउण्ड अश्रुग्यास १२ राउण्ड हवाई फायर लाठीचार्ज गर्दा १४ बर्षीय बालक शक्तिराम हरिजन,सशस्त्र प्रहरी निरीक्षक गोबिन्द श्रेष्ठ सहित पाच सर्बसाधारण,तीन प्रहरी घाईते भएको तराई मानव अधिकार सञ्जाल थर्ड एलायन्सका मानवअधिकारकर्मी शैलेन्द्र हरिजनले बताए ।
पछिल्लो समयमा पीडित पक्ष सँग स्थानीय प्रहरी प्रशाषनले हत्याराहरूलाई पक्राउ पश्चात कार्यवाही तथा क्षतिपूर्ति उपलब्ध गराउने लिखित सहमती जनाए पछि स्थित साम्य भएको कपिलबस्तु प्रहरी प्रमुख अच्युत पुडासैनीले बताए । स्मरणहोस स्थानीय नेता चौधरीलाई यु.पी.५५ क्यु २३५ अपाची मोटर साईकल मार्फत तीन ब्यक्तीले शुक्रवार राति साढे सात बजे गाँउ नजिकै ब्यस्त सडकमा लु ३५ प ११५२ नंं. मोटरसाईकल रोकी गालीहानी हत्या गरेका थिए । कपिलबस्तु प्रहरीले तीन जनालाई नियन्त्रणमा लिई अनुसन्धान भईरहेको जानकारी गराएको छ । à