खोज

 सल्यानमा व्यवसायिक रूपमा खेती गर्दै आएका ६० जना किसानलाई कृषि सामग्री हस्तान्तरण गरिएको छ ।  जिल्लाको छत्रेश्वरी गाउँपालिका वडा नम्बर २ का किसानहरूलाई कृषि सामग्रीहरू वितरण गरिएको हो ।उनीहरूलाइ थोपा सिचाँई सहितको पलास्टीक घर, सिचाँइ पाइप, स्पिंकल, स्पे मेसिन लगाएतका सामाग्री वितरण गरिएको वडा नम्बर दुईका वडा अध्यक्ष प्रेम खड्का ‘प्रभात’ ले जानकारि दिएका छन् । परम्परागत कृषि प्रणालीलाई सुधारेर आधुनिक कृषि प्रणालीलाई अवलम्बन गराउनको लागि सामग्रीहरू वितरण गरिएको उनले जनाए । कृषक पनि पछिल्लो समय यान्त्रीकरण प्रति आकर्षित हुँदै आएका छन् ।
कृषि, स्वास्थ्य तथा वैकल्पीक जिविकोपार्जन पर्वद्धन कार्यक्रम (पहल) र छत्रेश्वरी २ को वडा कार्यालयको सहयोगमा व्यवसायीक किसानहरूलाई सामग्री वितरण गरिएको हो ।
वडा कार्यालयको ३ लाख र पहलको १ लाख ५० हजार गरी ४ लाख ५० हजार बराबरको कृषि सामग्री आइतबार एक कार्यक्रमका बिच किसानहरूलाई हस्तान्तरण गरिएको हो ।
कार्यक्रममा कार्यपालिका सदस्य सुसिला विक, वडा सदस्य लाल बहादुर ओली, पहल कार्यक्रमका कृषि अधिकृत ऋषीराज ओली, व्यवसायीक कृषि प्राविधिक कृष्ण प्रकाश ओली, कृषि प्राविधिक नारायन खत्री लगायतले बोल्दै कृषिमा आधुनिक प्रविधिको प्रयोग आवश्यक हुनेमा जोड दिँदै यसले कम लगानी र कम मिहिनेतमा बढि लाभ लिन सकिने बताएका थिए । à