खोज

बाँके क्षेत्र नं. १ मा नेकपा एमालेका केन्द्रीय सदस्य एवं जिल्ला इन्चार्ज सुर्य ढकालले लोकप्रिय एजेण्डा मार्फत मतदाताको मन जित्दै छन् । मतदाताहरु ढकालको आँटेको काम गर्ने र जनताका लागि दिनरात खटिने उनको स्वभावबाट परिचित छन् । ढकालले स्थानीय एजेण्डाको प्राथमिकतामा राप्ती नदी र खहरे खोलाले गर्ने कटान, डुबान नियन्त्रणलाई राखेका छन् । भौतिक विकासका हिसाबले पनि पछि परेको क्षेत्र नम्बर १ का लागि उनले त्यहीअनुसारका एजेण्डाका साथै शिक्षा र स्वास्थ्यमा सुधारका योजनाहरुमा प्रतिबद्धतासहित मत मागिरहेका छन् ।

तपाईलाई जनताले मत किन दिने ?

-म जहिल्यै जनताबीच रहे । अन्यायविरुद्ध खरो बोल्छु,काम गरेकाे छु । विकासका एजेण्डामा जहिल्यै विवादको समाधानको सेतु बन्न भूमिका खेलेकाे छु । राजनीतिलाई जनताका पीरमर्का बुझ्ने, त्यसको समाधानको योजना बनाउने र समाधानको पहल गर्ने साधनका रुपमा लिएको छु। पदमा हुँदा होस् वा नहुँदा, कार्यकर्ता र जनता समस्याबारे चासो लिने नेताका रुपमा बाँकेमा जनताले पहिचान गर्नु भएको छ । स्थलगतरुपमा पुगेर समस्याको वास्तविक अवस्था बुझ्ने गरेकाे छु। विचार र सिद्धान्तमा सदा अडिग छु । त्यसैले जनताले मलाई मत दिनुहुन्छ ।

तपाईंका एजेण्डा के हुन ?

मेराे प्राथमिकता कम विकास भएका ठाउँलाई विकास भएका ठाउँको दाजोमा पु¥याउने र विकास भइसकेका ठाउँलाई थप व्यवस्थित बनाउनेमा केन्द्रित छ । मेराे निर्वाचन क्षेत्रका समस्याग्रस्त र विकास पर्खिरहेका गाउँहरु बेतहनि, होलिया, नरैनापुर, बैजापुर, फत्तेपुरलगायतका ठाउँमा पटकपटक पुगेर त्यहाँको पीरमर्का र आवश्यकता बुझेकाे छु । त्यहाँका नागरिकले पाउनुपर्ने आधारभूत सुविधाको अधिकार प्राप्तिको लडाइँ पहिलो प्राथमिकतामा रहेको छ । नागरिकलाई रोग, भोक र शोकमा राखेर हेरिराख्ने राजनीति मलाई गर्नु छैन । म जहिलै जनताका समस्यामाथि बोल्न चाहन्छुँ । तिनीहरुको समाधानका लागि राजनीति गर्छुँ ।

चुनावमा कस्ता पुर्बाधार विकासका एजेण्डा लिएर मतदातासंग पुग्नुभएको छ ?

मैले यसपटक बाँके क्षेत्र नम्बर १ का जनतासँग त्यसै मत मागिरहेको छैन । मसँग स्पष्ट एजेण्डा र योजना छन् । ती योजना पूरा गर्न मसँग अनुभव र क्षमता पनि छ । हाम्रो पार्टीको राष्ट्रिय लक्ष्य र एजेण्डा त सबैलाई थाहा छँदै छ । म स्थानीयरुपमा पनि स्पष्ट एजेण्डासहित मत मागिरहेको छुँ । स्थानीय एजेण्डाको प्राथमिकतामा राप्ती नदी र खहरे खोलाले गर्ने कटान, डुबान नियन्त्रणलाई राखेका छन् । भौतिक विकासका हिसाबले पनि पछि परेको क्षेत्र नम्बर १ का लागि त्यहीअनुसारका एजेण्डाका साथै शिक्षा र स्वास्थ्यमा सुधारका योजनाहरुमा प्रतिबद्धतासहित मत मागिरहेकाे छु । बाँके क्षेत्र नम्बर १ मा रहेका स्थानीय तहअनुसार मैले अघि सारेका एजेण्डाहरु निम्न छन् ।

राप्तीसोनारी

अगैया, कचनापुर हुँदै कम्दी जोड्ने सडक र कुसुम–खोकरी सडक निर्माण गर्ने । राप्ती नदी, खहरे खोलाले गर्ने कटान, डुबान नियन्त्रणका लागि दीर्घकालीन समाधान हुने गरी कार्य अगाडि बढाउने । बाँके राष्ट्रिय निकुञ्जको मध्यवर्ती क्षेत्रमा वन्यजन्तुले गर्ने क्षतिपूर्तिको व्यवस्था गर्ने ९ एक घर २५ लाख जीवन बीमा, एक गोठ आठ लाख पशु बीमाको नीति लागू गर्ने० । शिक्षा, स्वास्थ्य र सडकको स्तरोन्नति गर्दै कृषि आधुकिकीकरण गर्ने । एक घर एक रोजगारको नीति लागू गर्दै र श्रमको सम्मान गर्ने संस्कृति सम्मान गर्ने संस्कृतिको विकास गर्ने ।

नरैनापुर

सिक्टाको पूर्वी नहर समयमै सम्पन्न गर्ने । नरैनापुरदेखि पूर्व–पश्चिम राजमार्ग जोड्ने सडक विस्तार गर्ने । मटेहिया हुँदै बेतहनी जोड्ने राप्ती नदी पुल निर्माण गर्ने । कृषि आधुनिकीकरण गर्ने । शिक्षा, स्वास्थ्य र सडकको स्तरोन्नति नरैनापुरबाट एक घर एक रोजगारको राष्ट्रिय नीति लागू गर्न ।

कोहलपुर

कोहलपुर–चप्परगौडी–खड्गवार–घुइँयाबारी हुँदै सल्यान जोड्ने अन्तरप्रादेशिक पर्यटकीय मार्गको निर्माण गर्ने । क्रिकेट मैदानको निर्माण कार्यलाई तीव्र रूपमा अघि बढाइने । बाल अस्पताल, रंगशाला, नगर भवन, आधुनिक वद्यशाला, आधुनिक बसपार्क, भ्यूटावर, एनिमल रेस्क्यू बोटानिकल पार्कको निर्माण तथा सम्पन्न गर्ने । कोहलपुर रिङरोड निर्माण गर्ने । अव्यवस्थित बसोवासीलाई जग्गाधनी पूर्जा उपलब्ध गराउने । कोहलपुरलाई शैक्षिक क्षेत्रको हबको रूपमा स्थापित गर्ने ।