खोज

रुपन्देहीको देवदहमा रहेको सगरमाथा आवसिय माविका बिद्यार्थीहरुले देवदह नगरपालिका प्रमुख हिराबहादुर खत्री संग अन्र्तक्रिया कार्यक्रम सम्पन्न गरेका छन् । बिद्यालयका कक्षा ८, ९ र १० का बिद्यार्थीहरुले नगर प्रमुख खत्रीसंग देवदहका समसमायिक समस्याहरुका बारेमा प्रश्नहरु गरेका थिए । उनीहरुले देवदह नगरपालिकाको भावी योजना, देवदहलाई स्मार्ट सिटी बनाउने योजना, देवदहको पर्यटन, कृिष, शिक्षा बाटो, पुल पुलेसा, रोजगार, लागुपदार्थ दुव्र्यशनीको नियन्त्रण, बालमैत्री नगरपालिकाको अवधारणा लगायतका विषयमा नगर प्रमुख खत्रीसंग प्रश्नहरु राखेका थिए । बिद्यार्थीहरुको जवाफ दिदै नगर प्रमुख खत्रीले बिद्यार्थी जीवनमा किताबी ज्ञान बाहेक स्थानिय स्तरका समस्याहरुका विषयमा ध्यान दिनु राम्रो पक्ष रहेको बताए । उनले देवदहको विषयमा देवदहलाई समृद्धि तर्फ लैजान पर्यटन र कृषिलाई प्राथामिकता दिएर कामहरु अघि बढेको बताए । उनले गौतम बुद्धको मावली गाउँ पनि देवदह भएकाले यहाँ बिद्यालय स्तरमा बुद्ध सम्बन्धि अध्ययन र अध्यापन कार्य शुरु गरेको बताए । उनले देवदहमा रहेका ऐतिहासिक स्थलहरुको उत्खनन् र सम्बद्र्धनका कार्यहरु अघि बढिरहेको बताउदै पर्यटनको विकासले छिट्टै फड्को मार्ने उल्लेख गरे । नगरप्रमुख खत्रीले कृषिको क्षेत्रमा आधुनिकिकरणको प्रविधि भित्र्याई, अर्गानिक खेतितर्फ आकर्षित गर्ने बातावरण तय गर्ने बताए । साथै उनले बालमैत्री नगरपालिका गराउने सन्र्दभमा ३९ वटा सूचकहरु पुरा गर्नुपर्ने भएकाले त्यसको प्रक्रियामा नगरपालिका रहेको उल्लेख गरे । अन्र्तक्रिया कार्यक्रममा सगरमाथा बिद्यालयका प्रिन्सिपल कृष्णप्रसाद पौडेलले स्थानिय तहमा आएका अधिकारहरुका बारेमा बिद्यार्थीले जान्न इच्छुक भएकाले उनीहरुको चाहना बमोजिम बिद्यार्थीहरुलाई नगरप्रमुख संग साक्षात्कारको बातावरण तय गरेको बताए । अन्र्तक्रिया कार्यक्रममा देवदह नगरपालिकाका प्रमुख प्रशासकिय अधिकृत शसिधर घिमिरे, , बिद्यार्थी कृतिका अर्याल लगायतले आ–आफ्ना भनाई राखेका थिए ।