खोज

बुटवल, २१ चैत । रोटरी क्लब अफ तिलोत्तमा रुपन्देहीले आफ्नो १४ औं वर्ष प्रवेशको अवसरमा संस्थापक सदस्यहरूलाई सम्मान गरेको छ । बुधबार भएको चार्टर्ड नाइट सेरेमनीमा क्लबका संस्थापक सदस्इ तथा पूर्वअध्यक्षहरू नविन श्रेष्ठ, कृष्णप्रसाद शर्मा, निरन्जन पोखरेल, र गोपाल घिमिरेलाई दोसल्ला ओढाएर सम्मान गरिएको हो ।

रोटरीको मुलमन्त्रलाई आत्मसात गर्दै क्लबले विद्यालयमा रंगरोगन गर्ने, गरिब तथा जेहेन्दार विद्यार्थीहरूलाई शैक्षिक तथा खेलकुद सामग्री, कम्प्युटर, बिजुली जस्ता आवश्यक सामग्री वितरण गर्दै आएको क्लबका अध्यक्ष देवीराम पाण्डेले बताए । यसैगरि प्राकृतिक विपत्ति भूकम्प, बाढी–पहिरोको बेलामा राहत सामग्री वितरण गरेको छ ।

क्लब सन् २०१२ मा रोटरी क्लब अफ मञ्जुश्री जावलाखेलको सहयोगमा २५ जना संस्थापक सदस्यहरू मिलेर स्थापना गरिएको थियो। हाल क्लबमा ४७ जना सदस्य रहेका छन् ।

कार्यक्रममा क्लबका एसाइन एजी सुमन गोपालाचार्यले क्लबले १४ वर्षको यात्रामा राम्रो काम गर्दै आएको र आगामी दिनमा अझ बलियो क्लबको रूपमा विकास हुने विश्वास व्यक्त गरे ।

कार्यक्रममा क्लबका पूर्वअध्यक्ष तथा डिष्ट्रिक सहसचिव कृष्णप्रसाद शर्मा, संस्थापक सदस्य तथा उपाध्यक्ष निरन्जन पोखरेल, सम्मानित सदस्य भुवनसिंह विश्वकर्मा, भगिनी क्लबका अध्यक्षहरू लगायतले शुभकामना दिएका थिए ।

१४औं वर्ष प्रवेशको अवसरमा क्लबले मानव सेवा आश्रममा खाद्यान्न वितरण गरिएको कार्यक्रम संयोजक सरोज पन्तले बताए ।