© २०२३
२३ चैत्र २०८१, शनिबार
२३ चैत्र २०८१, शनिबार
कालीकोट ।
गर्भवती अवस्थामा अत्यधिक रक्तश्राव भएपछि सान्नीत्रिवेणी गाउँपालिका–१ की २९ वर्षीया सविना बुढा गिरीलाई हेलिकप्टर मार्फत उद्धार गरी प्रदेश अस्पताल सुर्खेत पठाइएको छ । अत्यधिक रक्तश्राव पछि मंगलबार उपचारका लागि स्वास्थ्य सेवा कार्यालय कालीकोट ल्याइएकी गिरीको जिल्ला अस्पतालमा उपचार हुन नसक्ने भएपछि प्रदेश अस्पताल सुर्खेत पठाइएको स्वास्थ्य सेवा कार्यालय कालीकोटका सूचना अधिकारी कटक महतले बताउनु भयो ।
राष्ट्रपति महिला उत्थान कार्यक्रम अन्तर्गत तत्काल उद्धारका लागि सम्बन्धित मन्त्रालयलाई प्रमुख जिल्ला अधिकारी नारायण भट्टराईले पत्रचार गरेपछि तत्काल नेपाली सेनाको हेलिकप्ट मार्फत उद्धार गरी प्रदेश अस्पताल सुर्खेत पठाइएको जिल्ला प्रशासन कार्यालय कालीकोटका सूचना अधिकारी जनक शर्माले बताउनु भयो । दुर्गम क्षेत्रका ज्यान जोखिममा परेका गर्भवती तथा सुत्केरी महिलाको उद्धार अभियान प्रभावकारी बन्दै गएको छ । यस कार्यक्रमले सुरक्षित मातृत्व प्रवर्द्धन गर्दै दुर्गम बस्तीका महिलाहरूलाई जीवनरक्षाका लागि सहज पहुँच पुर्याएको छ ।
© २०२३
सर्वाधिकार सुरक्षित
Design & Developed By:
