खोज

रोल्पाको एक विद्यालयले अभिभावक, समाजसेवी र दानवीरहरूवाट संकलन गरेको रकमबाट अक्षय कोष स्थापना गरेको छ । पूर्वी रोल्पाको सुनछहरी गाउँपालिका–१ घुसवाङमा रहेको सरस्वती आधारभूत विद्यालयले सो सहयोग संकलनवाट ५१ लाख बढीको अक्षय कोष स्थापना गरेको हो । सहयोगीहरूवाट न्यूनतम १० रूपैयाँ देखि अधिकतम ५ लाख ९९ हजार ९ सय ९९ रूपैयाँसम्म सहयोग भएको विद्यालयले जनाएको छ । यसरी संकलित रकम ५१ लाख ७६ हजार १ सय ५२ रूपैयाँको अक्षय कोष स्थापना गरि विद्यालय संचालन गर्ने निर्णय भएको वताइएको छ । २०१७ सालमा स्थापना भएको सो विद्यालयले २०३२ सालमा प्राथमिक तहको स्वीकृत पाएको थियो । हाल कक्षा ८ सम्म अध्यापन हुदै आएको सो विद्यालय जिल्लाकै पुरानो विद्यालय मानिन्छ । राजनैतिक पहुँच नहुँदा जिल्लाकै पुरानो विद्यालय हँुदा पनि सरकारी स्वीकृती प्राप्त गर्न झण्डै १५ वर्ष पर्खनु परेको बताइएको छ । खोलाको किनारामा छाप्रो वनाएर पढाई संचालन गरेको विद्यालयले हाल भने पर्याप्त भौतिक संरचनाको व्यवस्था गरेको विद्यालयले जनाएको छ । स्थापनाको लामो समयसम्म विद्यालयको स्तर वृद्धी हुन नसकेका कारण सुधारका लागि स्थानीयबीच भएको अन्तरकृया पछि सहयोग संकलन गरि अक्षय कोष स्थापना गर्ने निर्णय ग¥यौ स्थानीय अभिभावक पुस्तमन घर्तीमगरले भने । देश विदेशमा रहेका पूर्व विद्यार्थी र समाजसेवीले मन फुकाएर सहयोग गरेका कारण यति ठूलो रकम संकलन गर्न सफल भएका हौं घर्तीले भने । राजनैतिक पहुँच पुगेका सुगम ठाउँका विद्यालयमा मात्रै राज्यको दृष्टि पुगेको देखियो, दुर्गम ठाउँमा कसैको नजर नपुगेपछि अभिभावक स्वतस्फूर्त कस्सिएर लागेका हौं अभिभावक घर्तीले भने । सामुदायिक विद्यालयमा राज्यको असमान व्यवहार हँुदा दुर्गमका विद्यालय मारमा परेको अभिभावकहरूले गुनासो गरेका छन् । विद्यालयमा अक्षय कोषका लागि ३ जनाले ५ लाख भन्दा वढी रकम सहयोग गरेका छन् । यसैगरि १ लाख बढी सहयोग गर्नेको संख्या ४ जना रहेका छन् । विद्यालयलाई ७ सय १४ जनाले सहयोग गरेको विद्यालयले जनाएको छ । सहयोगीहरूको नाम नामेसी कुदेर विद्यालयमा टाँस गरेको वताइएको छ । अक्षय कोषवाट प्राप्त व्याजले विद्यालय सुधारको काम गर्ने योजना रहेको विद्यालयले जानकारी दिएको छ ।