खोज

रूपन्देहीमा कृषि सहकारीले नेपालकै दोस्रो उपभोक्ता पसल सञ्चालनमा ल्याएको छ । बुटवल–११ देवीनगरको हिमाल पथमा गत बैशाख महिनादेखि अनौपचारिक पसल सञ्चालनमा आएको हो । जसको केही दिनमा नै औपचारिक उद्घाटन गरिँदै छ । वि.सं. २०७२ साउन महिनामा दर्ता भएका लालटिन कृषि सहकारी संस्थाले स्थापनाको ३ बर्षमा नै उपभोक्ता डिपाटमेन्टल स्टोर्स सञ्चालनमा ल्याएको छ ।
सहकारीका अध्यक्ष गंगालाल सापकोटाका अनुसार१४ सय सेयरसदस्य रहेको कृषि सहकारीले ‘आफै मालिक आफै उपभोक्ता’ भन्ने मुल नाराका साथ उक्त पसल सञ्चालनमा ल्याएको हो । हाल करिब ४५ सय प्रकारका विभिन्न दैैनिक उपभोग्य सामानहरू विक्रिको लागि राखिएको उक्त डिपार्टमेन्टल स्टोर१६ सय स्क्वाएरफुटमा सञ्चालनमा रहेको छ ।
आगामी दिनमा सहकारीले बीउ विजन तथा अन्य कृषिजन्य उपजको प्याकेजिङ्गको समेत कार्य अगाडी बढाउने गरी तयारी थालनी गरिएको सहकारीका अध्यक्ष सापकोटाको भनाई रहेको छ । १ करोड लागत रहेको उक्त डिपामेन्टलस्टोर्समा ८ जनाले प्रत्यक्ष रूपमा रोजगारी पाएका छन् । नेपालमै पहिलो पटक कृषि सहकारीले झापा जिल्लामा यस्तो प्रकृतिको उपभोक्ता पसल सञ्चालनमा ल्याएको छ ।
सहकारी स्थापानको छोटो अवधीमा नै सेयरसंख्या उल्लेखिय मात्रामा वृद्धि गर्न सफल भएको लालटिन सहकारीले निकट भविश्यमा कृषिजन्य उत्पादन गर्ने लक्ष्य समेत राखेको छ । सहकारीका अध्यक्ष सापकोटा भन्छन्–‘अहिले तत्काल प्योजिङ्ग रग्रेडिङ्गका काम अगाडी बढाउने छौ । ’
सहकारी उपभोक्ता पसलमा खरिद गर्दे आफ्ना सदस्यहरूको नम्बरको आधारमा बर्षिक रूपमा पसलको नाफा समेत खाताम राख्ने गरी सहकारीले मापदण्ड अपनाएको छ । सहकारीमा आफ्नो सदस्यता कोड लिएरजाने सदस्यहरूले सोही कोडको आधारमा आफूले खरिद गरेको समानको नाफा आफ्नो खातामा जाने व्यवस्था गरिएको छ । यस्तै उक्त डिपार्टमेन्टल स्टोर्समा ठूलो मात्रामा विवाह, पार्टी, जन्मदिन, वन भोज लगायतको क्याटरिङ्ग, क्यान्टीनको सामान खरिद गरेमा होम डेलिभरीको समेत व्यवस्था गरिएको छ । संस्थाले हिमाली, पहाडी रतराई क्षेत्रमा उत्पादन गरिएका विभिन्न कृषिजन्य उपजहरू समेत राखेका छ । ताजा रअर्गानिक मा विशेष जोड दिएको डिपार्टमेन्टल स्टोर्समा निकट भविश्यमा अनलाइन मार्फत खरिद विक्रिको समेत व्यवस्था गरिने जनाइएको छ । à