खोज

गुल्मीको अर्जै माध्यमिक विद्यालयमा शिक्षक र विद्यार्थीबीच उत्पन्न सामान्य विवादलाई लिएर शिक्षकले विद्यार्थीहरूमाथि कुटपिट गरेका छन् । कुटपिटबाट शक्त घाईते बनेका विद्यार्थीको लुम्बिनी मेडिकल कलेज प्रवास पाल्पामा उपचारभईरहेको छ ।  विद्यालयका शिक्षकहरू खुमलाल पन्थी रहिमाल घर्तिले विद्यार्थीहरूमाथि कुटपिट गरेको रकुटपिटबाट विद्यार्थीहरू घाईते बनेको विद्यार्थीका अभिभावकहरूले बताएका छन् । शिक्षकको कुटपिटबाट सक्त घाईते हुने विद्यार्थीमा विद्यालयमा कक्षा १० मा अध्ययनरत विद्यार्थी नविन अर्याल रहेका छन् ।
पिटाईका कारण उनको शरीरका विभिन्न भागमा निल डामहरू रहेको रटाउकोको बाहिरी भागमा चोट नदेखिएपनि भित्री भागमा केही असरपुगेको बताईएको छ । घाईते विद्यार्थीलाई एम्बुलेन्स मार्फत विद्यालयका प्रधानाध्यापक कमल प्रसाद अर्याल रघाईतेका बुवा बलराम अर्यालले बुधवारबिहान पाल्पा प्रवासमा अस्पतालमा पुराएका थिए ।
बुधबारदेखि सदरमुकाम तम्घासमा संचालन हुन लागेको अनेरास्ववियू फुटवल कप २०७५ मा भाग लिनका लागि उक्त विद्यालयका विद्यार्थीहरू सदरमुकाम तम्घास जान पाउनु पर्ने रप्रतियोगितामा भाग लिन जाने सम्पूर्ण विद्यार्थीहरूको सबै खर्च विद्यालयले व्यहोर्नु पर्ने मागको विषयलाई लिएरविद्यालय प्रशासन रविद्यार्थीहरू बीच शुरुमा सामान्य विवाद उत्पन्न भएको बताइएको छ ।
शिक्षक रविद्यार्थी बीच उत्पन्न विवाद समाधानहुन नसेपछि त्यसले चर्को रूप लिन थालेसँगै त्यसको समाधानका लागि विद्यालयले मंगलवारविद्यार्थीका अभिभावकहरूलाई पत्र काटि छलफलका लागि विद्यालयमा बोलाएको थियो । अभिभावकहरू छलफलका लागि विद्यालय नपुग्दै विद्यार्थीहरूलाई प्रार्थना सकिए लगत्तै कक्षाकोठामा गएपछि शिक्षकहरूले उनीहरूलाई कुटपिट गरेरकक्षाकोठामा थुनेरराखेको विद्यालय अभिभावक संघका सदस्य तेज नारायण अर्यालले बताए ।
विद्यालयका प्रधानाध्यापक कमल प्रसाद अर्यालले विद्यार्थीहरूलाई सम्झाई फुलाई गरेरसमस्याको समाधान गर्ने भन्दापनि उनीहरूलाई पिटेरतह लगाउनु पर्छ भन्ने गलत मान्यताको विकासका कारण उक्त घटना घट्न पुगेको बताएका छन् । अहिले आफु घाईते विद्यार्थीसँगै पाल्पामा अस्पतालमा रहेको रडाक्टरहरूले उनको अवस्था खतरा मुक्त रहेको भन्ने जानकारी पाएको प्रधानाध्यापक अर्यालले बताए ।
घटनाको जानकारी पाएपछि विद्यालय व्यवस्थापन समितिका अध्यक्ष देविराम अर्यालले विद्यालयमा विद्यार्थीहरू माथि शिक्षकहरूले कुटपिट गर्नु गलत भएको भन्दै उक्त घाईते विद्यार्थीलाई भेटि उनको स्वास्थ्य स्थीति वुझ्नका लागि बुधबारअपरान्ह अस्पताल पुगि उनको स्वास्थ्य अवस्थाको वारेमा जानकारी लिएका थिए । शिक्षकले त्यसरी विद्यार्थीहरूलाई कुटपिट गर्नु गलत भएको भन्दै अन्य विद्यार्थीका अभिभावकहरू समेत शिक्षकहरू प्रति थप आक्रोशित बनेका छन् ।