खोज

प्रदेश नम्बर ५ मा व्यवस्थापन संकाय तर्फको स्नातक तह चौथो बर्षमा प्रथम स्थान हासिल गर्न सफल कपिलवस्तु बहुमुखी क्याम्पसका बिद्यार्थीलाई सम्मान सहित नगर परिक्रमा गराईएको हो । कपिलवस्तु बहुमुखी क्याम्पसको आयोजनामा क्याम्पसकी ५ नं. प्रदेश प्रथम हुने बिद्यार्थी सालिनी पाण्डेय सहितका उत्कृष्ट बिद्यार्थीको सम्मान गरि नगर परिक्रमा गराईएको छ । सो अवसरमा कपिलवस्तु बहुमुखी क्याम्पस देखि जिल्ला प्रशासन कार्यालय सम्म ¥याली गरिएको थियो । प्रदेशमै प्रथम हुने बिद्यार्थी पाण्डेयले ७८ दशमलब २ प्रतिशत अंक ल्याएकी छन । २४ जना बिद्यार्थी परिक्षामा सहभागी भएकोमा ८ बिद्यार्थी प्रथम श्रेणी सहित कुल १४ जना उत्तीर्ण भएका छन । आफुले प्रदेशमै प्रथम स्थान हासिल गर्न सफल भएकोमा खुसी व्यक्त गर्दै क्याम्पसको गुणस्तरीय शिक्षा र अभिभावकको सहयोगले सो नतिजा हासिल गर्न सकेको बिद्यार्थी सालिनी पाण्डेयले बताईन ।
पछिल्लो समय व्यवस्थापकिय कमजोडीका कारण क्याम्पसको शैक्षिक गुणस्तर खस्किदै गएको अवस्थामा हालको नतिजाले जिल्लाकै पुरानो क्याम्पसको शैक्षिक सुधारका लागी सहयोगी हुने बिद्यार्थीहरू बताउछन । शैक्षिक गुणस्तर खस्किदै गएको गुनासोका बिच हालै सञ्चालक समितीले प्राध्यापक नवराज तिवारीलाई क्याम्पस प्रमुखको जिम्मेबारी दिएको थियो । क्याम्पसले प्रदेशमै उत्कृष्ट नतिजा ल्याउनु सुखद भएको क्याम्पस प्रमुख नवराज तिवारीले बताए । “जिल्लाकै पुरानो शैक्षिक धरोहरको शैक्षिक र व्यवस्थापकिय सुधारका लागी प्रयत्नशिल रहने छौ । ” क्याम्पस प्रमुख तिवारीले भने ।