खोज

कपिलवस्तु, १८ भदौ–कपिलवस्तु नगरपालिकालाई पूर्ण साक्षर र पूर्ण भर्ना गराउने अभियानलाई दु्रत गतिमा अगाडी बढाईएको छ । अभियानका क्रममा नगरका दुई वडालाई एकै साथ पुर्ण भर्ना तथा पुर्ण साक्षर घोषणा गरिएको हो ।
कपिलवस्तु नगरपालिका वडा नम्बर ७,८ (साबिक धरमपनिया र दोहनी) लाई एक कार्यक्रमबीच पुर्ण भर्ना र पुर्ण साक्षर घोषणा गरिएको छ । एक कार्यक्रमका बिच कपिलवस्तु नगरपालिका वडा नम्बर ८ का वडा अध्यक्ष शिव कुमार पाण्डेयले दुबै वडालाई पुर्ण भर्ना तथा पुर्ण साक्षर घोषणा गरेका हुन् । सो अवसरमा वडा अध्यक्ष पाण्डेयले वडा नम्बर ७ मा वडाका ५ बर्षदेखि १२ बर्ष उमेर समुहका सबै बिद्यालय भर्ना तथा ९७ प्रतिशत जनसंख्या साक्षर भएपछि घोषणा गरिएको जनाए ।
त्यसैगरि वडा नम्बर ८ मा वडाका ५ बर्षदेखि १२ बर्ष उमेर समूहका सबै बिद्यालय भर्ना तथा ९८ प्रतिशत जनसंख्या साक्षर भएको उनको भनाइ थियो । घोषणा पश्चात समेत सचेतना कार्यक्रमलाई निरन्तरता दिईने उनको स्पष्टोक्ति थियो । कपिलवस्तु नगरपालिकालाई साक्षर र पुर्ण भर्ना युक्त वनाउने कार्यलाई घोषणा अभियानले सहयोग पु¥याउने प्रमुख प्रशासकिय अधिकृत बिमलराज आचार्यको भनाई थियो । शिक्षाको बिकासले मात्रै समाजको बिकास हुने बताउँदै अभियानलाई सबै स्थानीय तहले अगाडी बढाएर जिल्लालाई साक्षर जिल्ला वनाउने कार्य सम्पन्न गर्नुपर्ने प्रदेशसभा सदस्य सहसराम यादवले बताए । नगरलाई बालमैत्री सुशासनको अवधारणामा अघि बढाउन घोषणा अभियान सहयोगी सिद्ध भएको नगर प्रमुख किरण सिंहले बताए । “अभियानलाई अन्य वडामा पनि निरन्तरता दिँदै छौं,” नगर प्रमुख सिंहले भने । सो अवसरमा अभियान सफल पार्न भूमिका खेल्ने बिद्यालय, स्वास्थ्य सेवा प्रदायक, महिला स्वास्थ्य स्वयंसेविका, संघ संस्थाका प्रतिनिधि लगायतलाई सम्मान समेत गरिएको थियो ।