खोज

लमही, २४ कार्तिक ।
गढवा गाउँपालिकाको केन्द्र गढवा बजारको पुर्व दक्षिणमा बजारसंगै सटेको कुमाल समुदायको बस्ति बत्तिमुनिको अध्यारो भनेजस्तै सबै सुविधाबाट उपेक्षित भएको स्थानीयहरुले बताएका छन् । चुनाव आउँदा नेताहरु भोट माग्न आउँछन तर जितेर गएपछि न फर्केर आउँछन् न त बोलेका बाचाहरु नै पुरा गर्छन–स्थानीय बासिन्दा कालिदेवी कुमालले भनिन ।
चुनाव आउँदा ठूलठूला आश्वासन बाड्ने तर जितेर गएपछि काम त के अनुहार पनि नदेखाउने नेताहरुको संस्कार अन्त्य हुनुपर्ने स्थानीय बासिन्दाहरुको भनाई छ । हाम्रो गाउँलाई नमुना बस्ति बिकास गर्ने र एकै खालका घरहरु निर्माण गरि सडक तथा ढलनिकास सहितको ब्यवस्थीत बस्ति बनाउने आश्वासन धेरैले बाँडे तर हालसम्म कसैले सिन्को भाँचेनन् । अब जुनसुकै पार्टीको उमेद्वार होस काम गरेर देखाउनेलाई मात्र भोट दिन्छौं, स्थानीयको आक्रोस छ ।

हाम्रो गाउँलाई नमुना बस्ति बिकास गर्ने र एकै खालका घरहरु निर्माण गरि सडक तथा ढलनिकास सहितको ब्यवस्थीत बस्ति बनाउने आश्वासन धेरैले बाँडे तर हालसम्म केहि सिन्को भाँचेनन् स्थानीय युवा आकाश कुमालले भने । हामीलाई पार्टी चाहिएको छैन, पुरानाले केही गरेनन । अब जुनसुकै पार्टीको उमेदवार होस काम गरेर देखाउनेलाई मात्र भोट दिन्छौं उनले भने ।
नजिकैकोबजार सडक बत्तिले झिलीमिली छ हाम्रो बस्तिमा यौटापनि बत्ति छैन । न त ब्यवस्थित सडक छ न नाली र ढलनिकास नै । बर्षात्को बेला पुरै गाउँ डुवान हुन्छ,कसरी ज्यान बचाउने हामीलाई हम्मे हम्मे हुन्छ– उनले भने ।
हामीलाई काम गरेर देखाउने नेता चाहिएको छ पुराना नेताहरुले हाम्रो बस्तिमा केहि काम गरेनन्–उमेदवार शान्ता चौधरी र गंगाराम भट्टराई संग उनले देखेसो पोखे । हाम्रो समुदायमा माटोका भाँडाहरु बनाउने पुख्यौली पेशा माटो र दाउरा नपाउँदा संकटमा परेको छ । कसैको जमिन छैन हामी सबै अर्काको मजदुरी गरेर बाँचने समुदायका मान्छे हौं । नेताहरुले चुनाव आउँदा युवालाई रोजगार दिन्छौं भन्छन तर जितेर गएपछि हामी खाडीमा जान बाध्य हुन्छौं–स्थानीय श्रादे कुमालले भने । पैसा बाँडेर भोट किन्ने नेता होइन अब काम गरेर देखाउने नेताको खोजिमा छौं–स्थानीयहरुले भने । लालपुर्जा दिन्छौं भनेर धेरै बर्ष झुलाएर हामीलाई उपयोग मात्र गरे अब लालपुर्जा दिन सक्ने नेता चाहिएको छ–स्थानीय समाजसेवी मनिषा चौधरी कुमालले भनिन ।