खोज

बुटवल, ५ भदौ। मगर कला, साहित्यको प्रचारप्रसार र नया पुस्तालाई पुस्तान्तरण गर्ने उदेश्यका साथ रुपन्देहीमा प्रथम मगर साहित्य महोत्सव हुने भएको छ । मगरात अध्ययन केन्द्र बुटवल रुपन्देही र नेपाल महिला मगर संघ जिल्ला समिति रुपन्देहीको आयोजनामा आउदो मंसिर २१ र २२ गते ‘आफ्नो कथा आफै लेखौ ।’ नारासहित प्रथम मगर साहित्य महोत्सव २०८१ हुने भएको हो ।

बुधबार बुटवलमा पत्रकार सम्मेलन गरि दुई दिनेसम्म चल्ने महोत्सवमा मातृभाषा कविता प्रतियोगिता, पुस्तक प्रदर्शन, किताब बिमोचन, चित्रकला प्रदर्शन तथा विक्रि, मौलिक नृत्य प्रदर्शन, आदिकवि जित बहादुर सिजालीमगर/रेख बहादुर सारु मगर साहित्य पुरस्कार, गोरे बहादुर खपाङगी मगर सामाजिक योगदान पुरस्कार, प्राचीन सामग्रीको प्रदर्शन, विद्घत प्रवचन, संवाद तथा बहस, अभिलेखन लगायत विविध रचनात्मक कार्यक्रम गरिने महोत्सव समितिका प्रवक्ता शंकर गाहाले बताए । सामाजिक संस्था स्थापना भएको ३३ वर्षमा साहित्यिकको क्षेत्रमा रुपन्देहीमा पहिलोपल्ट कार्यक्रम आयोजना हुन लागेको उनले बताए । ‘काठमाडौ र पुर्व क्षेत्रमा हुने गरेको भएपनि पश्चिममा भने पहिलो पटक हुन लागेको हो ।’—उनले भने ।

कार्यक्रमको संवाद तथा बहस कार्यक्रममा पूर्व डिआईजी पार्वती थापा, निर्देशक अनिल बुढा, मानवसास्त्री सुरेश ढकाल, महाबिर पुन, युवा चलचित्र निर्देशक गोपाल आचार्य, हरि बुढा लगायतका ब्यक्तित्वहरु सहभागी हुने निश्चित भएको उनले बताए । यसैगरि स्थानिय साहित्यकारहरुको समेत सहभागिता रहने उनले बताए । यसैगरि कार्यक्रममा हुने गाला राउण्डमा मास्टर मित्र सेन, अरुण थापा, क्रान्ति आले, हेमन्त राना, मगर गितहरु प्रस्तुत गरिने उनले बताए ।

कार्यक्रममा महोत्सव आयोजक समितिका सदस्य तथा पत्रकार यम रानाले साहित्य क्षेत्र सबल र मजबुत भएमात्र समाज सबल हुने भन्दै पुर्खाबाट नै उत्कृष्ट साहित्यको ईतिहास बोकेका आफुहरु यसको जर्गेनामा लागेको बताए । मातृभाषा कविता प्रतियोगिता अन्तरगत मगर भाषामा लेखिएका कविताहरुको प्रतियोगिता हुनेछ । प्रथम पुरस्कार १० हजार, दोस्रो ७ र तेस्रो ५ हजार र सान्त्वना दुई जनालाई २ हजार रुपैयाबाट पुरस्कृत गरिने उनले बताए । पहिलोपटक आयोजना हुन लागेको कार्यक्रमको निरन्तरता हुने गरि आर्थिक रुपमा सबल बनाउन कोष स्थापना गर्ने समेत योजना रहेको उनले बताए ।

कार्यक्रममा संघका अध्यक्ष निर्मला थापाले कार्यक्रमलाई भब्य र सभ्य रुपमा सम्पन्न गर्न सबैको साथ र सहयोग जरुरी रहेको बताईन । प्रतियोगिता सम्पन्न गर्न १९ लाख ९५ हजार खर्च हुने अनुमान आयोजकको छ ।

भिडियो सामग्री