खोज

बुटवल, १९ भदौ । हरितालिका तिजको अवसरमा स्कलर्स होम बोर्डिङ स्कुलका विद्यार्थीहरुबिच गित गायन तथा नृत्य प्रतियोगिता सम्पन्न भएको छ । बालबालिकाहरुको अन्तरनिहित प्रतिभा प्रस्फुटन हुने गरि मौलिक पर्वलाई प्रतियोगितात्मक विभिन्न पाच समुहमा संचालन भएको थियो । एलकेजी र युकेजी समुहतर्फ युकेजी ब्लक ए प्रथम, एलकेजी ब्लक ए दोस्रो तथा एलकेजी ब्लक सि समुह तेस्रो भए । यसैगरि कक्षा १ र २ समुहमा कक्षा २ ए ब्लकको समुह प्रथम, कक्षा १ ए ब्लक दोस्रो तथा कक्षा १ ब्लक सि तेस्रो तथा कक्षा २ ब्लक ए को समुह चौथो भए ।

यसैगरि कक्षा ३ देखी ५ कक्षा समुहमा कक्षा ५ मुन समुह प्रथम, कक्षा ४ मुन समुह दोस्रो, कक्षा ४ अर्थ तेस्रो तथा कक्षा ३ अर्थ समुह चौथो भए । यसैगरि कक्षा ६ देखि १० सम्मको समुहमा रेड हाउस प्रथम भएको छ । यसैगरि ब्लु हाउस सिनियर ए दोस्रो तथा यल्लो हाउस तेस्रो भएको निर्णायक संजिता सारु र प्रिति श्रेष्ठले बताईन । प्रतियोगितामा १९ टिमले प्रतिस्प्रर्धा गरेका थिए

यसैगरि प्लस टु तर्फ भएको नृत्य प्रतियोगितामा एन्जिला सेनको समुह प्रथम, दिक्षा महतोको समुह दोस्रो तथा यमुना र दिब्याको समुह तेस्रो भए । निर्णायकहरु कल्पना भट्टराई, अंकिता थापा क्षेत्री, नेत्र प्रसाद भट्टराई रहेका थिए ।

कार्यक्रमको एक समारोहका बिच विद्यालयका सहप्राचार्य टिकाराम गौतमले उद्घाटन गर्दै वार्षिक रुपमा तिज पर्वलाई विद्यार्थीहरु बिच रचनात्मक गायन र नृत्य प्रतियोगिता गरि मनाउदै आएको बताए ।

कार्यक्रमको विद्यालयका प्रशासन प्रमुख राजु भण्डारीले बाल शिक्षा, महिला हिसा, सचेतनाका कुराहरु राखेर सन्देशमुलक गित गाएर त्यसमा आकर्षक नृत्यसहित हाउभाउ प्रस्तुत गरेको बताए ।