खोज

 दाङको तुलसीपुर उपमहानगरपालिकाले सुत्केरी महिलाहरूका लागी स्थापना कक्ष सञ्चालनमा ल्याएको छ । उपमहानगरले सुत्केरी आमा र बच्चाको स्वास्थ्य प्रबद्र्धन कार्यक्रम अन्तरगत स्थापना गरिएको उक्त स्तनपान कक्षकोे आईतबार उद्घाटन गरेको हो । बच्चालाई ६ महिना सम्म अनिवार्य रूपमा आमाको दुध खुवाउनुपर्ने, सुत्केरी प्रोत्साहन भत्ता लिन आउने सेवाग्राहीहरू र सानो बच्चा बोकेर आउने सेवाग्राहि, कर्मचारी महिलाहरूका लागी सजिलो होस भनेर उक्त कक्षको स्थापना गरिएको हो, संयोजक डा. दाहालले बताएका छन् ।
करिब दुई लाखको लगानीमा निर्माण गरिएको उक्त कक्षमा एउटा सुतेर दुध खुवाउनका लागी एक खाट राखीएको छ भने बस्नका लागि सोफा पनि राखिएको उपमहानगरपालिकाका स्वास्थ्य शाखाका उपसंयोजक विष्णु गिरीले जानकारी दिएका छन् । सरकारले हरेक सरकारी कार्यालयमा स्तनपान कक्ष राख्ने नीति लियपछि उपमहानगरले यस्तो नीति लिएको बताईएको छ । तुलसीपुर उपमहानगरपालीकालाई नमुना स्मार्ट सिटिको रूपमा विकास गर्ने अवधारण अनुरूप सो कक्षको स्थापना गरिएको उपमहानगरपालिकाका स्वास्थ्य संयोजक डा. गोकर्ण दाहालले जानकारी दिएका छन् ।
सबै महिलाहरूले भोग्दै आएको समस्या रहेकाले बच्चा लिएर तुलसीपुर उपमहानगरपालीकामा काममा आएका सुत्केरीहरूले दुध खुवाउनलाई उचित स्थान नभएको बच्चा रोएको बेलामा दुध खुवाउन नपाइने, असुरक्षित तरिकाले खुल्ला रूपमा दुध खुवाउनुपर्ने बाध्यता, बस्ने ठाउँ नै नहुने, यी विविध समस्याहरूलाई समाधान गर्न सकियोस् भनेर बच्चा र आमा दुबैको स्वास्थ्यका लागी मध्यनजर गरेर स्तनपान कक्षको स्थापना गरेका हौं, उपमहानगरपालीकाका उपप्रमुख माया आचार्यले भनिन् ।
स्थापना कक्ष सञ्चालनमा आय संगै उपमहानगरमा काममा आउने सुत्केरीहरूलाई सहज हुने भएको छ ।कार्यक्रमका सहभागीहरूले स्तनपान गर्न पाउने बालबालिकाको अधिकारबाट उनिहरूलाई बञ्चित गराउन नहुनेमा जोड दिएका थिए । सोही कार्यक्रममा उपस्थित १० जना सुत्केरी सेवाग्राही महिलाहरूलाई न्यानोे झोला वितरण गरिएको थियो ।