खोज

२०७० सालमा स्थापना भएको ज्ञानदीप कलेज ५ वर्षको छोटो अवधिमा नै यस क्षेत्रमा उत्कृष्ट शैक्षिक गन्तव्यका रूपमा स्थापित भएको छ । विज्ञान, व्यवस्थापन र मानविकी संकायमा अध्यापन गराउँदै आइरहेको कलेजमा अहिले करिब ८ सय बढी विद्यार्थीहरू अध्ययनरत छन् ।
बजार क्षेत्र भन्दा केही पर शान्त वातावरणमा रहेको कलेजमा सरसफाईलाई पनि उत्तिकै ध्यान दिएको पाईन्छ । दाङ्गमा पहिलो पटक निजी स्तरबाट विज्ञान संकायमा स्नातक तहको अध्यापन गराउने चुनौति लिएको कलेजले भर्खरै प्रकाशित विज्ञान संकायको चौथो वर्षको नतिजामा शतप्रतिशत नतिजा ल्याएको छ । “शतप्रतिशत विद्यार्थी उत्तीर्ण गराउनु सामान्य कुरा होइन हामीले गरेको मेहेनतको नतिजा हो” कलेज प्रमुख सुरेन्द्र जिसीले भने । कलेजमा विज्ञान संकाय अन्तर्गत वायो र फिजिकल ग्रुपको अध्यापन हुने गर्दछ । कलेजले स्थापनाकालदेखि नै जिल्लामा उत्कृष्ट नतिजा ल्याउँदै आएको कलेज प्रमुख जिसीले दावि गरे । “नतिजामा हामीले कहिल्यै पनि पछाडि फर्कनु परेको छैन, सधै जिल्लामा पहिलो नम्वरमा हाम्रो कलेजको नतिजा हुन्छ” जिसीले भने । कलेजमा व्यवस्थापन संकायमा अँग्रेजी र नेपाली माध्यमका दुइवटा सेक्सन रहेका छन् । दुवै सेक्सनमा विद्यार्थीहरूको उत्तिकै चाप पनि रहेको छ । “हामीले गुणस्तरियतामा कहिल्यै पनि सम्झौता नगरेकाले नै विद्यार्थीहरूको यस्तो माया पाएका हौ” प्रमुख जिसीले भने । उनले कलेजको शैक्षिक वातावरणका कारणले नै सबैको ध्यान तानिएको वताए ।
कलेजले स्थापना कालदेखि नै नतिजा र गुणस्तरियताका दृष्टिले उत्कृष्ट विद्यार्थी उत्पादन गर्दै आएको सहायक कलेज प्रमुख मनोज केसीले जानकारी दिए । केसीले विद्यार्थी र अभिभावकको विश्वासका कारण कलेजले छोटो समयमै उत्कृष्ट उपलिब्ध हासिल गरेको वताए । “सुरुवातदेखि नै हामीलाई सबैले सहयोग गर्नुभएकाले हामीले यो स्थान हासिल गरेका हौ ” केसीले भने । विद्यालयले दिने शैक्षिक र पारिवारिक वातावरणले विद्यार्थीहरूलाई आकर्षित गरेको विद्यार्थी शिला पोख्रेलले वताईन् । भर्खरै सार्वजनिक भएको स्नातक तह चौथो वर्षका नतिजामा जिल्ला प्रथम हुन सफल पोख्रेलले कलेज गुणस्तरियताका लागि निकै मेहेनत गरेर लागेको वताईन् ।
कलेजमा पश्चिम दाङ्गमै पहिलो पटक मानविकी संकायमा आमसञ्चार तथा पत्रकारिताको अध्यापन हुने गरेको छ । पत्रकारितामा आएका विकृति र विसंगतिलाई न्युनीकरण गर्नुका साथै दक्ष पत्रकार उत्पादन गर्नका लागि कलेजले पत्रकारिता विषयको अध्यापन सुरु गरेको कलेजका शैक्षिक संयोजक शरद गौतमले वताए । गौतमका अनुसार कलेजले पत्रकारिता बिषय अध्यापन गराउन थालेपछि विभिन्न पत्रकारहरूले समेत अध्ययन गर्दै आएका छन् । “फेजआउट जस्तो हुन थालेको विषयलाई आधुनिक विषयको रूपमा राखेर हामीले जोगाएका छौ” गौतमले भने । उनका अनुसार अहिले मानविकी संकायमा पनि विद्यार्थीहरूको चाप निकै रहेको छ । “पत्रकारिताका साथै विद्यार्थीहरूले अँग्रेजी र समाजशास्त्र विषय रोजेर पढ्न पाउँछन्” गौतमले भने । कलेजमा आमसञ्चार तथा पत्रकारिताका लागि विभिन्न सञ्चार माध्यमसँग सहकार्य गरेर व्यवहारिक तवरले शिक्षण गरिएको पत्रकारिता विषयका शिक्षक वसन्त आचार्यले जानकारी दिए । “आमसञ्चार तथा पत्रकारिता अध्ययन गरेर विद्यालयबाट जाँदा विद्यार्थीले ज्ञानसँगै सीप पनि सिकेको हुन्छ ” आचार्यले भने ।
अध्ययन अध्यापनका अतिरिक्त विभिन्न सामाजिक कामका साथै अतिरिक्त क्रियाकलाप र खेलकुदमा पनि विद्यार्थीहरूलाई सामेल गराउँदै आएको छ । ‘यस कलेजले विभिन्न खेलकुदमा सामेल गराएका कारण मेरो खेलयात्रा अगाडि वढेको हो ’ फुटवलमा विभिन्न क्षेत्रीय प्रतियोगिता खेलिसकेका विद्यार्थी मोहन गौतमले भने । विद्यालयले विद्यार्थीहरूलाई विभिन्न सामाजिक काममा सामेल गराएर उनीहरूलाई समाजप्रति उत्तरदायी वनाउँदै लगेको छ । ‘मैले सामाजिक काममा लाग्नुपर्दछ भन्ने कुराको प्रेरणा कलेजबाटै पाएको हुँ ’ विविएसमा अध्ययनरत विद्यार्थी प्रतिक्षा पौडेलले वताइन् ।
विद्यालयले विद्यार्थीहरूलाई विभिन्न कार्यक्रममा सामेल गराउनका लागि क्लव समेत गठन गरेको छ । क्लव मार्फत विद्यार्थीहरूलाई विभिन्न कार्यक्रममा नियमित सामेल गराइने कलेजका शैक्षिक संयोजक शरद गौतमले वताए । कलेजमा विज्ञान संकायका लागि आधुनिक ल्यावको व्यवस्था गरिएको छ । विज्ञान विषयमा विभिन्न ल्यावहरू निर्माण गरेको छ । नमुनाका रूपमा रहेका ल्यावबाट विद्यार्थीहरूले प्रयोगात्मक रूपमा व्यवहारिक ढँगले अध्ययन गर्ने गरेको क्याम्पस प्रमुख जिसीले वताए । “हामीले आधुनिक ल्यावको व्यवस्था गरेका छौ जुन यो क्षेत्रमै नमुनाका रूपमा रहेको छ” जिसीले भने । तुलसीपुरमा सर्वाधिक रोजाईको कलेजका रूपमा रहेको ज्ञानदिपमा विद्यार्थीहरूको आकर्षण लोभलाग्दो तवरले वृद्धि हुँदै गएको छ । विद्यार्थीमैत्री व्यवहार, भौतिक सुविधा सम्पन्न, गुणस्तरिय र अनुभवि शिक्षकका कारणले ज्ञानदीपले दिनप्रतिदिन शैक्षिक उचाइ हासिल गर्दै गएको त्यहाँ अध्ययनरत विद्यार्थीहरूको भनाई
छ । à