खोज

रूपन्देही जिल्ला सैनामैना नगरपालिकामा बढ्दो सडक दुर्घटना न्यूनीकरणको लागि टाईम कार्ड प्रयोग गर्न लागिएको छ ।
पछिल्लो समयमा देश भर नै तिब्र गतिका कारण दुर्घटना भईरहेको घट्ना सार्वजनिक भईरहेका छन् । सैनामैना क्षेत्रभित्र गत साउन महिनामा मात्र १० ओटा सडक दुर्घटना भएको र जस मध्ये ४ ओटा गम्भिर र ६ ओटा समान्य दुर्घटना भएको अस्थायी ट्राफिक प्रहरी कार्यालय रन्यौराले जानकारी दिएको छ । १० ओटा दुर्घटना मध्ये ४ ओटा तिब्र गतिका कारण भएको कार्यालयले जनाएको छ ।
टाइम कार्डको प्रयोग भए पछि तिब्र गतिका कारण हुने सडक दुर्घटनालाई केहि मात्रामा भए पनि कमी गर्न सकिन्छ भन्ने उद्देश्यले छिट्टै सैनामैना क्षेत्रभित्र यस्को प्रयोग गर्ने योजना बनाएको ईलाका प्रहरी कार्यालय सालझण्डीका प्रहरी निरीक्षक दिपेश बस्यालले बताए ।
उनले भने पहिलो चरणमा यस क्षेत्रमा चल्ने टिप्परलाई यो लागू गरिने छ । ईलाका प्रहरी कार्यालय पिपरा, ईलाका प्रहरी कार्यालय सालझण्डी र ईलाका प्रहरी कार्यालय रन्यौराको दुरी नापेर यो दुरी पार गर्न लाग्ने समय निर्धारण गर्नेछौ र प्रत्येक टिप्पर चालकलाई उक्त कार्ड दिइनेछ । उक्त टिप्पर चालकले प्रत्येक प्रहरी कार्यालयमा गाडी रोकेर आफ्नो समय दर्ता गराउने छ जस्ले गर्दा आफ्नो समय भन्दा छिटो आउने सवारीलाई तिब्र गतिमा सवारी चलाएको हुने हुदाँ आबश्यक कारवाही गर्ने योजना रहेको बस्यालले बताए ।
दुर्घटना न्यूनीकरण गर्ने अभियान अन्तरगत शनिबार ईलाका प्रहरी कार्यालय सालझण्डी र ट्राफिक प्रहरीले सम्युक्त रूपमा कार्यालय परिसर अगाडि र फायरलाईन चोकमा चालकलाई प्रशिक्षण कार्यक्रम सञ्चालन गरेका थिए । बिशेष गरि टिप्पर तथा विङ्गरका चालकहरूलाई तिब्र गतिबाट हुने सडक दुर्घटना, त्यसबाट हुने क्षति, त्यस्को कानुनी कारवाही साथै यस्लाई कसरी न्यूनीकरण गर्न सकिन्छ भन्ने बारेमा प्रशिक्षण गराएका थिए ।