खोज

दाङको तुलसीपुर उपमहानगरपालिका वडा नं. १९ तोप्पानीमा रहेको स्वास्थ्य चौकीमा प्याथोलोजी सेवा सञ्चालनमा आएपछि क्षयरोगका बिरामी भेटीन थालेका छन् ।
ग्रामीण भेगमा रहेको स्वास्थ्य चौकीमा यहि बर्षको जेठ महिनादेखि प्याथोलोजी सेवा सुरु भएपछि ४ जना क्षयरोगका बिरामी थपीएका छन् । उनीहरूलाई नियमित औषधि खुवाउँदै आएको निमित्त कार्यालय प्रमुख डिल्लीराज शर्माले जानकारी दिएका छन् । उनले दिएको जानकारी अनुसार तुलसीपुर १९ मा तिन महीनाको बिचमा भेटीएका ४ जना बिरामी सहित २३ जना क्षय रोगीले स्वास्थ्य चौकीबाट नियमित औषधि सेवन गरीरहेका छन् ।
भौतिक पूर्वाधारमा कम्जोर रहेको स्वास्थ्य चौकीले तुलसीपुर १९ को तोप्पापानीमा स्थानीयको सहयोगमा निर्मित भवन बाट सेवा दिदै आएको छ । दाङमै सबैभन्दा धेरै खोप केन्द्र रहेको उक्त स्वास्थ्य चौकीमा कर्मचारी कम हँुदा सेवा प्रबाहमा समस्या भएको शर्माले बताएका छन् । ७ खोप केन्द्र रहेको स्वास्थ्य चौकीमा दैनिक ४० जना सम्म बिरामी उपचार गर्न आउने गरेको अहेव टेक बहादुर रोकाले बताए । स्वास्थ्य चौकीमा कार्यालय प्रमुख काजमा अन्यत्र गयपछि ७ जना कर्माचारी रहेको र त्यसमा पनि केही फिल्ड जानुपर्ने भएकाले दुई जनाले बिरामीको हेरचाहा गर्नुपर्ने बाध्यता रहेको शर्माले बताए ।
बिकट क्षेत्रमा रहेको स्वास्थ्य चौकीमा दुई जना कार्यालय सहयोगी रहेका छन् भने तुलसीपुर उपमहानगरको सहयोगमा करारमा कर्मचारी राखी प्याथोलोजी सेवा सञ्चालनमा ल्याईएको छ । उक्त स्वास्थ्य चौकीमा ४ घण्टा सम्मको पैदल यात्रामा बिरामीहरू आउने गरेको अहेब टेक बहादुर रोकाले जानकारी दिएका छन् । स्वास्थ्य चौकीमा क्षय रोग, निमोनिया, पखाला, आउमासी, टाईफाईड, स्वास प्रस्वास, प्रेसर, घाउ चोटपटक, लगाएतका बिरामीहरू आउने गरेको रोकाले बताए । स्वास्थ्य चौकीमा सेवा लिनलाई तुलसीपुर १९ को छिल्लीकोट, सुगुरखोला, भित्रिसक्राम, तुलसीपुर ४ को खुनखानी सहित बिभिन्न विगट क्षेत्रबाट आउने गरेका छन् । अधिकांस बिरामीले जनचेतनाको अभावका कारण फोहर पानी प्रयोग गर्ने गरेको पाईएको रोकाले बताए । छाला सम्बन्धी बिरामी पनि स्वास्थ्य चौकीमा आउने गरेको उनले बताए । बिगट क्षेत्रमा स्वास्थ्य चौकी रहेकाले त्यहा आउने बिरामीले स्वास्थ्यको सरसफाईमा ध्यान नदिने गरेको पनि रोकाले बताएका छन् ।
७ कट्ठा श्रेस्ता जमिनमा भवन हुनुपर्ने नेपाल सरकारको नियम भएपनि स्वास्थ्य चौकी जग्गाको अभावमा स्थानीयले ऐलानी जमिनमा बनाई दिएको भवनबाट सेवा दिँदै आएको छ । वडामा बिभिन्न किसीमका रोग लुुकाएर बसेका बिरामी धेरै भएपनि त्यो बाहिर आउन नसकेको निमित्त कार्यालय प्रमुख शर्माले बताएका छन् । तुलसीपुर १९ पहाडी ईलाकामा पर्ने भएकाले यहाँ अझै क्षय रोगसँगै महिलाहरूमा पाठेघरको समस्या रहेका धेरै छन् त्यो पत्ता लगाउनलाई स्वास्थ्य शिविर नै सञ्चालन गर्नुपर्ने आवश्यकता रहेको उनले बताए । à