खोज

बर्षेनी आउने बिपदका कारण रूपन्देहीमा धन तथा जनको क्षति बढ्दै गएपछि यस बर्ष रूपन्देहीमा बिपदको व्यवस्थापन गर्न जिल्लाका सबै तह पूर्ण रूपमा तयारी अवस्थामा रहेका छन । बिपद ब्यवस्थापनमा सुरक्षा निकाय देखी स्थानिय तह र बिभिन्न सामाजिक संघ संस्थाहरू तयारी अवश्थामा राखिएका बिपद ब्यवस्थापन समितिले जानकारी दिएको छ ।
बिपद ब्यवस्थापनको लागी तयारीको अवस्थाबारे भैरहवामा आयोजित कार्यक्रममा रूपन्देहीका पालिकाहरूले आ–आफ्नो क्षेत्रमा बिपद ब्यवस्थापनको लागी बिपद ब्यवस्थापन समिति गठन गर्नुको साथै सो को लागी कोष समेत खडा गरिएको बताए । बिशेष गरि ५ नम्बर प्रदेशलाई लक्षित गरि आउन लागेको बिपद ब्यवस्थापनको लागी नितिगत सुझाव संकलनको लागी बैठक डाकिएको भए पनि उक्त बैठक पछि सुझाव संकलन भन्दा पनि तयारी अवश्थाको बारेमा केन्द्रित भएको थियो ।
बिपद ब्यवस्थापन समितिका अध्यक्ष तथा रूपन्देहीका प्रमुख जिल्ला अधिकारी उदय बहादुर रानाले रूपन्देहीमा अहिले सम्म त्यस्तो बिपद नआए पनि आउन सक्ने सम्भावित बिपदको लागी समिति तयारी अवश्थामा रहेको बताए । रूपन्देहीलाई केन्द्रले बिपदको उच्च जोखिममा नराखी कम सुविधा प्रदान गरे पनि जिल्ला प्रशासन कार्यालय रूपन्देहीले आफ्नै भवनमा बिपद ब्यवस्थापन सामाग्री भण्डार कक्ष स्थापना गरेको बताए । बिपदको जुनसुकै बेला प्रतिकार गर्नु पर्ने अवश्था आउन सक्ने भएकोले सम्पूर्ण सुरक्षा निकायका साथै सम्पूर्ण सरोकारवालाई उनले तयारी अवश्थामा रहन समेत निर्देशन दिए ।
बिपद ब्यवस्थापनको लागि अन्य सामाग्री भए पनि अहिले बिशेष गरि बाढीमा फसेकाहरूको उद्दारको लागी रबर बोटको अभाव भएको प्रमुख जिल्ला अधिकारी रानाले बताए । उनले बिभिन्न दाताहरू संग समन्वय गरि यसको आपूर्तिको लागी प्रयास थालिएको समेत बताए । यसै गरि बिपदको पूर्वानुमानको लागी दोभानमा पूर्व सूचना प्रणली स्थापन गरि त्यसले दिएको सूचनाबाट रूपन्देहीका जोखिमयुक्त क्षेत्रलाई जोगाउन सकिने प्रयास जारी रहेको रानाले बताए ।
जिल्ला प्रहरी कार्यालय रूपन्देहीले सिद्धबाबा, मायादेवी गाउपालिका कम्हरिया, हाटी बनगाईका केही क्षेत्र, सैनामैना लगायत अत्याधिक बिपदको जोखिममा रहेका क्षेत्रमा काम गर्न १ सय ७५ जना प्रहरी कर्मचारी तयारी अवस्थामा रहेको बताएको छ । जिल्ला प्रहरी प्रमुख प्रहरी उपरिक्षक ह्ृदय थापाले जिल्ला प्रहरी कार्यालय मातहत रहेको १३ वटा युनिटहरूको यो जनशक्ति बिभिन्न बिपद ब्यवस्थापन सामाग्री सहित तयारी अवश्थामा रहेको बताए । रूपन्देहीमा बिशेष गरि आगलागी, बाढी र डुबानले समस्या दिने गरेको छ । बिपद ब्यवस्थापन समितिले उपलब्ध गराएको तथ्यांक अनुसार आर्थिक बर्ष २०७३÷०७३ मा आगलागीमा परि २ जनाको र हुरि बतास चट्याङ्गबाट २ जनाको गरि बिपदमा परि ४ जना मानिसको मृत्यु भएको थियो भने अन्दाजी ६ करोड ३५ लाख ७० रूपैया बराबरको क्षति भएको थियो । यसै गरि सोही बर्ष बिपदमा परि १५ जना मानिस घाईते भएको थिए । बिपदमा परि २० वटा चौपायाको मृत्यु भएको थियो भने ५५ वटा घर र २० वटा गोठमा समेत क्षति पुगेको थियो ।
आर्थिक बर्ष २०७३÷०७४ मा भने बिपदमा परि ३ जना मानिसको मृत्यु भएको थियो भने ६ जना घाईते भएको सहायक प्रमुख जिल्ला अधिकारी नारायण पाण्डेले बताए । उक्त आर्थिक बर्षमा ३१ वटा चौपायाको मृत्यु भएको र अन्य ५ वटा घाईते भएका थिए । यसै गरि बिपदकै कारण २ सय ६६ वटा घर तथा ११ वटा गोठमा क्षति पुगेको थियो भने अन्दाजी १४ करोड १३ लाख ५१ हजार ६ सय ८५ रूपैयाँ बराबरको क्षति भएको थियो । गत आर्थिक बर्ष २०७४÷०७५ मा बिपदका कारण ५ जना मानिसको मृत्यु भएको र अन्य ८ जना घाईते भएका थिए । यसै गरि ११ वटा चौपायाको मृत्यु भएको थियो भने १९ वटा घाईते भएका थिए । गत बर्ष २ सय ७३ वटा घर र २३ वटा गोठमा क्षति पुगि अन्दाजी ३ करोड ४३ लाख ४६ हजार ४ सय ५० रूपैया बराबरको क्षति भएको थियो ।