खोज

रूपन्देहीको सैनामैना नगरपालिका वडा नम्बर ५ सेरुवा सुन्दरनगर बस्ने ५५ वर्षिय कृष्णकान्त शर्माले बाख्रापालनबाट मासिक १५ हजार आम्दानी गर्दै आएका छन् । वि.सं. २०६५ सालमा ५ हजारको लगानीमा सुरु गरेका शर्माले मरासिनी बाख्रा नामक फार्म सञ्चालन गर्दै आएका छन् । सानो लगानीमा सुरु गरेका उनले २०७३ सालमा साढे ११ कठ्ठा क्षेत्रफलमा करिब १५ लाख लागतमा फार्म नै निर्माण गरि उक्त ब्यवसाय सञ्चालन गरेका हुन् । शर्माको फर्ममा अहिले ५२ वटा बाख्रा रहेका छन् । शर्माको बाख्रा फर्ममा बाख्रा खरिदका लागी दाङ, नेपालगञ्ज, अर्घाखाँची लगायत ठाउँबाट आउने गरेको शर्माले बताएका छन् । बाख्रापालनबाटै आफ्नो दैनिक जीवन चलेको उनको भनाइ छ ।
शर्माले अहिले सम्म बाख्रा पालनका लागि कुनै अनुदान नपाएको गुनासो गरेका छन् । कृषि क्षेत्र अन्तर्गत पशुपालन क्षेत्रमा कृषकलाई प्रोत्साहीत हुने खालका कार्यक्रम त्यति प्रभावकारी नभएको उनले टिप्पणी गरेका छन् । बेरोजगारी समस्यालाई हल गर्न र आर्थिक क्रान्ति ल्याउन पशुपालनको पनि महŒवपूर्ण भूमिका रहने हुँदा यसप्रति सम्बन्धित निकायको ध्यान जान जरुरी रहेको शर्माले बताएका छन् । सरकारले सबै भन्दा बढि बजेट कृषि क्षेत्रमा लगायता पनि कृषि अनुदान नपाएको कृषक तथा पशुपालकको गुनासो रहँदै आएको छ ।