खोज

बुटवल, ९ चैत । नेपाली सेनाले देवदह–माथागढी जोड्ने पदमार्ग अन्तरगतको ११७ मिटर सिढी र रेलिङ निर्माण गरि स्थानिय सरकारलाई हस्तान्तरण गरेको छ । नेपाली सेनाको जनहितको कार्य अन्तरगत श्री गरुडदलद्घारा नव निर्मित शरणबारी–माथागढी ऐतिहासिक पदमार्ग अन्तरगत १० लाख लागतमा ११७ मिटर सिढि र रेलिङ निर्माण गरि शुक्रबार देवदह नगरपालिकाका नगरप्रमुख ध्रुव खरेललाई हस्तान्तरण गरिएको हो ।
एक कार्यक्रमका बिच मध्य पश्चिम पृतनाका पृतनापति उपरथी सुनिल श्रेष्ठ, श्री २२ नं बाहिनी अडाका बाहिनीपति सहायक रथि ललित बहादुर कुँवर, देवदह नगरपालिकाका नगरप्रमुख ध्रुव खरेलले नवनिर्मिति पदमार्गको उद्घाटन गरे ।

कार्यक्रममा नगरप्रमुख खरेलले देवदह र पाल्पाको सिमामा पर्ने सामरिक महत्वको माथागढी पुग्ने पर्यटकिय पदमार्गको चरणवद्घ रुपमा काम अघि बढेको बताए । पर्यटन प्रवर्द्धनमा टेवा पुग्ने गरि महत्वपूर्ण चुनौतीपूर्ण कामलाई सम्पन्न भएको भन्दै निरन्तर पुर्वाधार विकािमा जोड दिने उनले बताए । यो वर्ष पुर्वाधारकै लागि १ करोड रुपैया बजेट बिनियोजन भएको उनले बताए । देवदह नगरपालिकाले दुई वर्षअघि १५ करोड बजेटको शरणबारी–माथागढी पदमार्ग गुरुयोजना तयार गरेर काम अघि बढाएको थियो । जसमा फुटरेल, रेलिङ, प्रतिक्षालय, लाईटिङ र पिउनेपानी लगायतको ब्यवस्था रहने छ । शरणटारीदेखि ५.२ किलोमिटर दुरी रहेको छ ।

कार्यक्रममा गरुड दलका गणपती प्रमुख सेनानी दिपेन्द्र न्यौपानेले माथागढीको महत्वबारे प्रकाश पार्दै १८१४–१८१६ मा यो गढी युद्धमा प्रयोग भएको किवदन्ती रहेको बताए । गढीको उत्तरतर्फ झुम्साखोलाको किनारालाई गढबास भनिन्छ । अर्थसैनिक गण बसोबास गर्ने ठाउलाई जनाउदछ भने त्यसैगरि दक्षिणतर्फ मैदानी भाग अर्थात दाउन्ने कप्तानबास भन्ने ठाउँ पर्दछ । यी ठाउलाई स्थानिय बासिन्दाले सन १८१४–१८१६ को युद्धमा तानसेनतर्फ आक्रमण गर्न बढेको ईष्ट ईण्डिया कम्पनीका क्याप्टेन को नेतृत्वमा रहेको फिरंङी फौजलाई माथागढी क्षेत्रबाट नेपाली सैनिक स्वयंसेवी (झारा सेना) ले ढुङा, मुडा, फायरिङ गएत्रोबाट प्रहार गरि परास्त गरि फर्किएपछि ईष्ट ईण्डिया कम्पनीका कप्तानसहितको फोज थकित भई बसेको हुदा त्यसपश्चात यसलाई कप्तानबास भन्न थालेको बुझिन्छ ।

नेपाली सेनाले जनहितको कार्य गर्ने नीति अनुसार प्रदेश सरकार र स्थानिय तहसंग सहकार्य गर्दै गढी, किल्ला तथा पदमार्ग संरक्षण र संवर्द्घन गर्ने निति रहेको उनको दाबी छ । यसैगरि सेनाले जितगढी –नुवाकोट सिढि मार्ग निमार्ण, उजिरसिह थापाको पुर्णकदको मुर्ति स्थापनाको कामलाई पनि अघि बढाएको उनले बताए ।