खोज

बुटवल, २४ फागुन । सेना दिवसको अवसरमा नेपाली सेनाले नुवाकोट गढीमा ऐतिहासिक पदयात्रा सम्पन्न गरेको छ । श्री मध्य पश्चिम पृतनाद्घारा २६१ औ सेना दिवसको अवसरमा जितगढी– नुवाकोटगढी ऐतिहासिक पदमार्गमा पदयात्रा गरेको हो ।

एक कार्यक्रमका बिच मध्य पश्चिम पृतनाका पृतनापति उपरथी सुनिल श्रेष्ठ, रुपन्देही जिल्ला प्रशासन कार्यालयका प्रमुख जिल्ला अधिकारी गणेश अर्याल, सिद्धार्थनगर भन्सार कार्यालयका प्रमुख नारद गौतम, गरुड दलका गणपती प्रमुख सेनानी दिपेन्द्र न्यौपाने, मध्यपश्चिम पृतनाका चिफ अफ स्टाफ सहायक रथी नारायण थापा, सालझण्डी ब्याटल स्कुलका सहायक रथी कृष्ण जिसीसहित पदयात्रा शुभारम्भ गरिएको थियो ।

सेनाले प्रत्येक वर्ष आआफ्नो क्षेत्रका रहेका सामरिक महत्व र ऐतिहासिक पर्यटकिय क्षेत्रमा रचनात्मक कार्यक्रमहरु गर्दै आएको छ । यसैक्रममा शुक्रबार बुटवलको जितगढी किल्लादेखि नुवाकोटसम्मको पदमार्गमा पदयात्रा गरेको हो । यो मादमार्ग अन्तरगत निर्माणमा सेनाबाट सहयोग भएको थियो। करिब ४.१५ किमि दुरी १ घण्टा १५ मिनेटमा पूरा गरिएको थियो। २२० मिटरदेखि ८०० मिटरको चढाई गरिन्छ । बुटवल माबिको शुभारम्भमा १ किलोमिटर कंक्रिटबाट बनेको सिढिको बाटा र त्यसभन्दा माथि भने प्राकृतिक पैदलमार्ग रहेको छ ।

बुटवल उपमहानगरपालिकाका नगरप्रमुख खेलराज पाण्डेयले बुटवलको सामरिक महत्व बोकेको जितगढी किल्ला र नुवाकोटगढीको एकिृकृत विकासमा जोड दिदै विभिन्न योजनाहरु अघि बढाएको बताए । आगामी वर्ष यस क्षेत्रको विकासमा करिब ६ करोड बजेट गोल घर बनाउने र जितगढी तिनाउ नदि किनारमा आरती केन्द्रका लागि योजना आयोगमा सिफारिस गरिएको बताए ।

यसैगरि नेपाली सेनाले नुवाकोट मन्दिरमा चढ्ने सिढी र रेलिङ निमार्ण गरेर हस्तान्तरण गरिएको छ भने । नेपाली सेनाको अगुवाईमा साईन रेसुङा डेभलमेन्ट बैक, बुटवल उपमहानगरपालिका, तिनाउ गाउपालिकाको सहयोगमा नुवाकोटगढीमा कर्णेल उजिरसिह थापाको पुर्ण कदको मुर्ति स्थापना गरिने भएको छ । करीब १५ लाख लागतमा उजिरसिह थापाको पूर्णकदको मुर्ति तयार भैसकेको र चैत महिनामा स्थापना गरिने गरुड दलका गणपती प्रमुख सेनानी दिपेन्द्र न्यौपानेले बताए ।

गतवर्ष दिवसको दिनमा मध्यपश्चिम पृतना र २२ नं बाहिनीबाट दिवसमा बुटवलमा १० किलोमिटर पुरुष र ५ किलोमिटर महिला दौड गरिएको थियो । तत्कालिन पृतनापति उपरथि यामप्रसाद ढकाल र तत्कालिन बाहिनी सहायक रथि नवराज गुरुङबाट यस क्षेत्रका सामरिक महत्वका गढी संरक्षणको महत्वपूर्ण अभियान थालनी भएको थियो ।