खोज

जिल्लाको पाल्हीनन्दन गाउँपालिकाका एक इन्जिनियरलाई गाउँपालिका अध्यक्षले लछारपछार गर्दै कार्यालयबाट लखेटेको आरोप लागेको छ । गाउँपालिकाका अध्यक्ष दिपक भन्ने बैजु प्रसाद गुप्ताले भने अनुसार काम इन्जिनियर शोभाकान्त रौनियारले नगरिदिँदा लछारपछार गरिएको हो । गाउँगाउँमा हिलो भएको ब्यापक आलोचना हुन थाले पछि गाउँलेको विरोध थाम्न गाउँपालिकाले निर्णय गरि ग्राभेल हाल्ने योजना अनुसार काम भएको थियो । त्यसमा अध्यक्ष गुप्ताले भनेको आधारमा इन्जिनियरले बढि सामग्रीको सिफारिस नगरिदिँदा इन्जिनियर माथि त्यस्तो व्यवहार गरेको स्थानीयहरू बताउँछन् । आठ ट्रिपर मात्र बाटोमा ग्राभेल खसेकोमा अध्यक्ष गुप्ताले ३२ ट्रिपर ग्राभेल खसेको भनेर प्रतिवेदन दिन दबाब दिएको पीडित इन्जिनियर रौनियारको भनाइ छ ।
अध्यक्षले इन्जिनियर रौनियारलाई तथानाम भन्दै अन्तमा तँ जस्तो इन्जिनियर चाहिँदैन भन्दै समातेर कार्यालय बाहिर लगेका थिए । प्रमुख प्रशासकिय अधिकृत दुर्गा पौडेलको कार्यकक्षमा प्रमुखले इन्जिनियरलाई दुब्र्यवहार गर्दा प्रशासकिय अधिकृत मुकदर्शक बनेका थिए ।
इन्जिनियरलाई बाहिर निकाली रहेको बेला उपाध्यक्ष पवित्रा कोहाँर आइपुगेकी थिइन् ।
उनले अध्यक्ष र प्रशासकिय माथि खनिँदै के यही सिस्टम हो ? कर्मचारीलाई दुब्र्यवहार गर्ने ? भन्दै इन्जिनियरको पक्ष लिएकी थिइन् ।
आफूले चौध बर्ष देखी सरकारी सेवामा रहेको र यस्तो दुब्र्यवहार भएको यो पहिलो पटक भएको इन्जिनियर रौनियारले सुनाए । उनले आफूले अध्यक्ष गुप्ता विरुद्ध उजुरी दिने बताए । गाउँपालिका कर्मचारीहरूले सो घटनालाई लिएर जिल्ला प्रशासनमा आएका छन् । तर अहिले पनि इन्जिनियर रौनियारलाई उजुरी नदिनका लागि विभिन्न निकायबाट दबाब आउने गरेको छ ।
कर्मचारी माथि जनप्रतिनिधिबाट भएको यो दुब्र्यवहारको घटना प्रति निजामती कर्मचारीहरूको साझा संगठन सिबिएको ध्यानाकर्षण भएको जनाएको छ । ‘जनप्रतिनिधि हँुदैमा जंगली राज्य चलाउन पाइँदैन,’ सिविएका जिल्ला अध्यक्ष अमजद अंसारीले भने–‘कर्मचारीलाई भ्रष्टाचार गर्न दबाब दिइने र नमानेमा कर्मचारीलाई नै दुब्र्यवहार गर्ने,कुटपिटको प्रयास गर्ने त्यस्ता जनप्रतिनिधिलाई जनता समक्ष नाँगो पार्नु पर्छ ।’ कानुन अनुसार कारवाहीका लागि सिविएले कदम चाल्ने अध्यक्ष अंसारीले जनाए । जनप्रतिनिधी भन्दैमा साँढे जस्तो राजा होईन् । उनीहरूका लागि पनि नियम कानुन छ ।
जनप्रतिनिधिले कर्मचारीलाई स्पष्टिकरण सोध्ने,जवाफ माग्ने, छलफलमा बस्ने, बोर्डबाट निर्णय गर्ने सबै विकल्प छाडेर यो कुकृत्य गर्दा एउटा गुण्डा र गाउँपालिका अध्यक्षमा के फरक भयो, एक प्रत्यक्षदर्शी कर्मचारीले भने, यो त अति नै भयो, यस्तै घटना भई राख्ने हो भन्ने कुन कर्मचारी पाल्हीनन्दन गाउँपालिकामा बस्न मान्छन् ?
यता घटना सुन्नमा आएको तर उजुरी भने नआएको प्रमुख जिल्ला अधिकारी देवेन्द्र लामिछानेले बताए । लिखित रूपमा उजुरी आएमा कानुन अनुसार कारबाही प्रकृया अगाडी बढाइने बताएका थिए । यता गाउँपालिका अध्यक्ष बैजु प्रसाद गुप्ताले आफूले इन्जिनियरलाई नकुटेको दाबी गरे । उनले बुटवल टुडेकर्मीलाई भने– तपाईंलाई कस्ले भन्यो ? मैले कसैलाई केही गरेकै छैन ।’
सिधै चार गुणा बढि सामग्रीको बिल पास गराएर भ्रष्टाचार गर्न खोजिएको आरोप स्थानीयले लगाएका छन् । मर्मत सम्भारको नाँउमा लाखौ रुपियाँ घोटाला गर्ने प्रयास भइरहेको थियो । तर इन्जिनियरले भ्रष्टाचारमा संलग्न हुन नमाने पछि उनी माथि नै घटना घटेको कुराले गाउँपालिकालाई नै लज्जाबोध गराएको कर्मचारीले भन्न थालेका छन् । पाल्हीनन्दनको यो पहिलो उदाहरण मात्रै होईन कानुन मिच्दै काम गर्ने प्रवृति हाबी भएकोले गाउँपालिका र अध्यक्ष विरुद्ध २७ वटा मुद्दा दर्ता भएका छन् । यो पनि एउटा मुद्दा थपिने भयो, कार्यालयका एक कर्मचारीले भने, मुद्दा पर्नेमा जिल्ला भरिको स्थानीय तह मध्ये पाल्हीनन्दन पहिलो देखिएको छ ।