खोज

बुटवल, १५ साउन । दुधजन्य बस्तुको उत्पादन र विक्री वितरण पेशा अप्नाएका डेरी ब्यवसायीहरुको हित हुने गरि स्थानिय सरकारले योजना ल्याउन सुझाव दिएका छन ।
रुपन्देही डेरी ब्यवसायी समितिले मंगलबार बुटवलमा खिर दिवसको अवसरमा आयोजना गरेको प्रथम जिल्ला डेरी भेला २०७५ मा बोल्ने बक्ताहरुले स्वालम्बन पेशा अप्नाएका साना डेरी ब्यवसायीहरुलाई ब्यवसाय स्तरवृद्धि हुने गरि स्थानिय सरकारले सहयोग गर्नुपर्ने बताए ।
कार्यक्रममा बोल्दै संस्थापक अध्यक्ष भुवनेश्वर न्यौपानेले नेपाल दुग्धजन्य पदार्थमा आत्मनिर्भर भैनसकेका भन्दै स्थानिय सरकारबाट नै प्रक्रियागत रुपमा साना किसानहरुको क्षेत्रमा लगानी गर्न सुझाव दिए ।
कार्यक्रममा समितिका अध्यक्ष नेत्र पाठकले डेरी ब्यवसायमा भएका समस्या उठान गर्दै समाधानमा लाग्नुपर्ने बताए । कार्यक्रममा सल्लाहकार कृष्ण प्रसाद भट्टराई, महासचिव पदम पौडेल, लेखा समिति संयोजक देबिलाल भट्टराई, सदस्यहरु नारायण देवकोटा र देव बहादुर रावलले ब्यवसायिक हितका साथै रचनात्मक कार्यमा लाग्न सुझाव दिए ।
रुपन्देहीमा दैनिक ४० देखि ४५ हजार लिटर दुध उपभोग हुदै आएको छ । जिल्लामा ६० हजार लिटर उत्पादन हुने र त्यसमध्ये २० हजार लिटर जिल्ला बाहिर विक्री हुने गर्दछ । दुधका लागि बैशाख, जेठ, असार, साउन र भदौ सुख्खा सिजनका रुपमा लिने गरिन्छ । जिल्लामा हाल ५ सय ब्यवसायीहरु रहेका छन ।