खोज

विद्यालयमा अध्ययनरत विद्यार्थीलाई चाहे पढाउने शिक्षक हुन वा घरका अभिभावक उनिहरुले विद्यार्थीलाई अगामी योजना सोध्ने क्रममा होस वा सुझाव दिइने क्रममा प्रश्न सोध्ने गर्छन् , कि डाक्टर बन्ने हो कि इन्जिनियर ? पढदै गरेका विद्यार्थीलाई डाक्टर हुने कि इन्जिनियर पहिलो सोचाई प्राय हुने गर्छ । तर यहाँका एक युवा इन्जिनियरिगँ पेशा छाडेर पशु फर्म खोलेका छन् । केही बर्ष पहिला रामग्राम १७ का २८ बर्षिय नेतनारायण चौधरी डिप्लो इन सिभिल इन्जिनियरिगँ गरेर जागिरका लागि भौतारि रहे । उता चौधरीका भाई बुद्धिराम दुई चरणमा बैदेशिक रोजगारीका लागि मलेशियामा ५ बर्ष विताए । घर परिवार छाडेर जागिर खोज्नु पाएन भने विदेश जानु भन्दा दुबै दाजु भाईले अहले नयाँ योजना बनाए र खोले आफ्नै बारीमा एकिकृत पशु फर्म । आफ्नै एक विघा खेतमा गत बर्ष नेत्र एकिकृत कृषि फर्म दर्ता गराई फर्म सञ्चालनमा ल्याएका छन् ।
आफ्नै घरपरिवार मिलेर पशु फर्म सञ्चालन गर्दै आएका छन् । बैदेशिक रोजगारी र इन्जिनियर भए आपेक्षित आय गर्न नसके पछि अन्तिम विकल्पको रुपमा कृषि फर्म खोलेको चौधरीले बताए । हुन त सानै देखी खेतीपाती मै रमाउने स्वभावका चौधरी बाबुको इच्छा पुरा गर्न इन्जिनियरिगँ पढे । बाबुको समाजिक प्रतिष्ठाका लागि पनि इन्जिनियर पढियो,तर त्यो पेशाबाट पनि इमानदारी पुर्वक काम गरे जिवन निर्वाह गर्नै गाह्रो छ । विदेश गदा पनि आफ्नो श्रम र शिपको मुल्य अरुले नै तोकि दिएर काम गर्नु पर्छ । घरपरिवारबाट पनि टाढा बस्नु पर्छ । त्यही भएर इन्जिनियरिगँ गरे पछि कृषि पेशामा फर्केको उनले सुनाए । फर्म खोले पछि घरका ५ जना परिवारले पुर्ण काम पाएका छन्, उनले भने, हासी खुशी रमाएर सबै मिलेर काम गर्ने गरेका छौ ।
फर्ममा ४ पोखरी,बाख्रा गोठ,गाई गोठ बनाइएको छ । ६ महिना पहिला सञ्चालनमा आएको एकिकृत कृषि फर्मको पोखरीमा माछाका भुरा हालिएका छन् । बाख्रा गोठमा ३० वटा जमुनापारी बाख्रा रहेका छन् । गाई गोठमा १७ वटा होलेस्टेन र जसी गाई रहेका छन् । ति मध्ये ९ वटा गाईले दुध दिइने गरेको चौधरीले बताए । बाकी गाई गर्भिणी अवस्थामा छन् । ९ वटा गाईबाट मात्रै दैनिक १ सय १० लिटर दुध उत्पादन हुने गरेको उनले जनाए । अहिलेसम्म जग्गा बाहेक ३० लाख लगानी भएको सुनाउदै चौधरीले भने, कृषि फर्मका लागि लगानी खोज्न बंैकसंग कुराकानी अगाडी बढाएका छौ । बैंकले ऋण उपलब्ध गराइ दिए लगानी थप्दै जाने उनले बताए । गाईको आहाराका लागि फर्म नजिकैको छुट्टै डेढ विघा जग्गामा बाजरा घाँसका लागि लगाइएको छ ।
गाईका लागि बाईकमा घाँस लिएर आउदै गर्दा उनले भने,इन्जिनियरिगँ भन्दा रमाईलो गाई पालनमै रहेको छ । फर्ममा रहेका सबै गाई र बाख्राको विमा गरिएको उनले बताए । यसले लगानी शुरक्षित हुने हुदा आफुले सबै पशुको विमा गरिएको छ, उनले भने, ब्यवसाय नै गर्ने हो,भने दिर्घकालिन सोच लिएर गर्नु पर्छ,भनि सोचले ब्यवसाय शुरु गरेको छु । कुनै पनि नोकरीको सिमा छ,तर ब्यवसायको सिमा असिमित छ । बढाउने घटाउने आफ्नै हातमा छ । स्वतन्त्रता छ । फर्म खोल्दा उनले पुर्वाधार लगानी कम गरेर उत्पादन दिईनेलाई नै बढि प्राथमिकता दिएको बताए । उनका अनुसार कुल ३० लाख लगानीमा २० लाख भन्दा त गाई र बाख्रा नै राखिएको छ । बाकी चारा काट्ने मेसिन,आहारा भण्डारण,साईलेज बनाउने उपकरण लगायतमा खर्च गरिएको छ । पोखरीको डिललाई पनि अधिक्तम प्रयोग गरिएको उनले देखाए । डिलमा केरा लगाइएको छ । अझ माछा उत्पादन पोखरीमा हाँस हाल्ने योजना रहेको उनले बताए ।
हाँस पानीमा घुमफिर गर्दा पानी हल्लिने र पानीमा अक्सिजन घुलनसिल हुने हुदा माछा उत्पादनमा फाईदा पुग्ने छ । पानी भित्र माछा र पानी माथि हाँस राखेर थप आमदनी गर्न मिल्ने हुदा यस्तो योजना रहेको बताए । अन्य युवाले यस्तै स्वदेशमा आत्मनिर्भर हुने खालको फर्म आदी खोलेर लाग्नु् पर्ने उनको सुझाव रहेको छ । आफुले इन्जिनियर पेशा छाडेर पशुपालनमा लाग्दा कुनै हिनताबोध नभएको बताउदै झन स्वतन्त्रता महशुस भएको बताए ।