खोज

अहिले विद्यालयका सबै विद्यार्थीको दिवा खाजाबाट पेट भर्न शुरु भएको अभियानले पछि गएर विद्यालयका सबै कक्षाकोठामा विद्यार्थी संख्याले भर्ने उद्देश्य बोकेको छ । त्यसका लागि विद्यालयका शिक्षक, कर्मचारी, समिति र समुदाय एकमत भएर विद्यालय सुधार्न जुटेका छन् ।

‘जहाँ इच्छा त्यहाँ उपाय’ नेपाली समाजमा चलेको यो भनाइ विद्यालय सुधार्ने बिषयमा पनि लागु हुने गरेको छ । विद्यालयलाई नमूनाउन्मुख बनाउँदै गर्दा विद्यालयको प्रधानाध्यापकको नेतृत्व बाहिर भएका रुपन्देहीका एक शिक्षकले पुनः विद्यालयमा फर्किएपछि सुस्ताउँदै गएको विद्यालयलाई जीवन भर्ने पाईला शुरु गरेका छन् ।

अहिले विद्यालयका सबै विद्यार्थीको पेट भर्ने अभियान शुरु भएको अभियानले पछि गएर विद्यालयका सबै कक्षामा विद्यार्थी संख्याले भर्ने उद्देश्य बोकेको छ । विद्यालयको जीवन भर्ने उनको अभियानको थालनी विद्यालयको रंगरोगन र सबै विद्यार्थीका लागि दिवा खाजाको व्यवस्था गरि शुरु भएको छ । त्यसमा विद्यालयका शिक्षक कर्मचारी, विद्यालय व्यवस्थापन समिति र समुदायको साथ छ । प्रधानाध्यापक यादवले नेतृत्व गरेपछि उनलाई सबैले साथ दिएका छन् ।

रुपन्देहीको सियारी गाउँपालिकामा रहेको त्रिवेणी आधारभूत विद्यालयका प्रधानाध्यापक मथुरा यादवले गाउँको विद्यालयलाई पुनःजीवन दिने काम शुरु गरेका हुन् । उक्त विद्यालयका सबै विद्यार्थीलाई खाजाको व्यवस्था गरिएको छ । नेपाल सरकारले शिशुदेखि कक्षा ५ सम्मका विद्यार्थीलाई दिवा खाजाको व्यवस्था गरेको भएपनि त्रिवेणीमा भने कक्षा ८ सम्मकै सबै बालबालिकाले दिवा खाजाको व्यवस्था भएको हो ।

विद्यालयमा यहि मंसिर २ गतेदेखि विद्यालयका सबै विद्यार्थीका लागि दिवा खाजाको व्यवस्था गरिएको विद्यालयका प्रधानाध्यापक मथुरा यादवले जानकारी दिए । विद्यालयका बालबिकास केन्द्रदेखि कक्षा ८ सम्म १४० छात्र र १५४ छात्रा गरी २९४ जना विद्यार्थी छन् । त्यसमध्ये कक्षा ६ देखि ८ सम्म ९४ जना विद्यार्थी छन् । कक्षा ६ देखि ८ सम्मका बालबालिकालाई खाजाका लागि मासिक रुपमा करिब ३० हजार रकम खर्च लाग्ने यादवको भनाई छ । उनले उक्त बजेट विद्यालयले सहयोग संकलन गरेर व्यवस्थापन गर्ने बताए । विद्यालयको आर्थिक स्रोत त छैन् प्रधानाध्यापक यादवले भने, मागेर र चन्दा संकलन गरेर भएपनि दिवा खाजा कार्यक्रमलाई निरन्तरता दिन्छौं । विद्यालयमा बालबालिकाको आकर्षण बढाउन र खाजाकै कारण विद्यालय छाड्ने विद्यार्थीलाई निरन्तरता दिनका लागि खाजा कार्यक्रम संचालन गरिएको उनले बताए । विद्यालयको दिवा खाजा तालिकामा आईतबार मासु भुजा, सोमबार खिर, मंगलवार खिचडी, बुधबार चना अण्डा, बिहीबार हलुवा, शुक्रबार पालक मटर र भुजा छ ।

उक्त विद्यालयमा २०६३ सालदेखि २०७६ साल फागुन २६ गतेसम्म प्रधानाध्यापकको रुपमा उनी थिए । नीजि स्रोतको शिक्षकबाट शिक्षण पेशामा प्रवेश गरेका यादव २०६७ बाट राहत दरबन्दीमा नाम निकालेका थिए । त्यस समयमा छात्र २६५ र छात्रा २३५ गरी ५०० विद्यार्थी थिए । त्यसपछि २०७८ कार्तिक २९ गते पुनः विद्यालयमा फर्किएका छन् । अहिले भने त्यस समयको तुलनामा २०० भन्दा बढी विद्यार्थी कम भएका छन् । प्रधानाध्यापक यादवले विद्यालयबाट फर्किएका विद्यार्थी संख्या बराबरको संख्या दुई बर्षभित्र पूरा गर्ने गरि आफूले काम शुरु गरेको बताए । हामीले दुई बर्षभित्र पुनः ५०० बढी विद्यार्थी पु¥याउँछौं यादवले भने, त्यस अनुसार हाम्रो शैक्षिक क्रियाकलाप अगाडी बढ्छ, शिक्षक कर्मचारी र समुदाय परिचालन हुन्छौं । २०७६ माघ २७ मा निमावि तहको सामाजिक बिषयतर्फ स्थायी शिक्षक पदमा नाम निकालेपछि उनी विद्यालय छाड्न बाध्य भएका थिए ।

विद्यालयमा फर्किएपछि उनले विद्यालयको रंगरोगन गरिसकेका छन् । करिब ३ लाख खर्चगरी विद्यालयको रंगरोगन गरेको र उक्त बजेट पनि स्थानीय रुपमै सहयोग मागेरै व्यवस्थापन गरिने उनले बताए ।
ण्ण्ण्