खोज

नेकपा एमाले लुम्बिनीले प्रदेशसभा विधि र कानून सम्वत् नचलेसम्म प्रदेश सभा अवरुद्ध गरिरहने बताएको छ । एमाले लुम्बिनीका सांसद भोजप्रसाद श्रेष्ठले प्रदेशसभा विधि र कानून सम्वत् नचलेसम्म बैठक अवरुद्ध भइरहेने बताएका हुन् ।‘सूर्य चिन्ह लिएर जनताको मत प्राप्त गरी चुनाव जितेका प्रतिनिधि नैतिक र राजनीतिक रूपमा एमालेकै भएको हुँदा प्रतिपक्षले मन्त्री बनाउँदा पनि प्रदेश प्रमुखले राजनीतिक पुर्वाग्रह राख्दै कार्वाही नहुनु विधि सम्वत छैन ।’–श्रेष्ठले भने, ‘हाम्रा सांसदलाई कार्वाही नहुँदासम्म संसद अवरुद्ध गर्छौं ।’

बुटवलमा आयोजना भएको रिर्पोटर्स क्लबको साक्षात्कार कार्यक्रममा श्रेष्ठले प्रदेश सांसद अजय शाहीले एमाले संसदीय दलका निर्णयहरुलाई हालसम्म मान्दै आएको बताउँदै उनले एमाले सरकार बाहिरीएपछि गठबन्धनको साथमा पुगेर स्वतन्त्रको नाम जप्दै हिड्नु गलत रहेको दाबी गरे ।

एमालेको चुनाव चिन्ह लिएर नवलपरासीबाट चुनाव जितेका सांसद अजय शाहीले भने आफू स्वतन्त्र भएको दाबी गरेका छन् । ‘मैले चुनावमा मात्रै चिन्ह लिएको हो, नैतिक र राजनीतिक रूपमा म स्वतन्त्र छु । मैले नेकपा एमालेको सदस्यता लिएको छैन केवल चुनावी सम्झौता मात्रै थियो ।’–उनको भनाई छ ।

अधिवक्ता महेन्द्र पाण्डेले अजय शाही हृदेश त्रिपाठीको स्वतन्त्र राजनीतिक समुहबाट चुनावमा तत्कालिन नेकपासंग तालमेल गरेर निर्वाचित भएको तर हैसियतका हिसावले र सहमतीका बुदाको हिसावले स्वतन्त्र रहेको बताए । उनले स्वतन्त्र हैसियतबाट उठेकोले एमालेसंग कुनै नाता र साईनो नभएकाले व्यवहारीक तथा कानूनी हिसावले एमालेले दाबी गर्न नमिल्ने तर्क गरे । यस्तै उनले बाम गठबन्धनबाट चुनाव जितेकी सांसद विमला वलीले आफ्नो दल रोज्ने अधिकार संविधानले दिएको बताए ।

अर्का कानूनका जानकार नगेन्द्र बस्यालले अशय शाहीले सुर्य चिन्हबाट चुनाव जितेको बताउँदै एमालेले कारबाही गर्न स्वभाविक रहेको दाबी गरे । स्वतन्त्र भनिएपनि एमालेको सुर्य चिन्हबाट चुनाव जितेकाले स्वतन्त्र भन्न नपाउने उनको भनाई छ । एमालेले आवश्यक क्रियाकलाप पुरा गरि संसद सचिवालयमा पठाएको हो भने सभामुखले तत्काल आवश्यक कारबाही अगाडी बढाउनु पर्ने धारणा राखे ।

शाहीलाई नेपाली काँग्रेस, नेकपा एमाले तथा जनता सामाजवादी पार्टी जसपा गठबन्धनले मन्त्री बनाएको छ । नेकपा एमालले कारबाहीका लागि रिफारिस गरेकी अर्का सांसद विमला ओलीले पनि एमालेको चुनाव चिन्ह सुर्यबाट चिर्वाचन जितेकी थिइन् । उनलाई पनि गठबन्धन दलले मन्त्री बनाउने तयारी गरेको छ ।

विभिन्न समयमा दल अदलबदलको आरोप खेपी रहेकी विमलाको केही दिन अघि सामाजिक सञ्चालनमा सार्वजनिक भएको चुम्बनको तस्विरले चर्चा पाएको थियो । उक्त विषयलाई लिएर सांसद ओलीले आफूलाई फसाउन खोजिएको आरोप लगाएकी थिइन् ।