खोज

पाल्पाको तिनाउ गाउँपालिकाले कृषकहरुलाई पशुपन्छी पालनमा वीमा सहयोग गर्ने कार्यक्रम अघि सारेको छ । गाउँपालिकाले आर्थिक वर्ष ०७७।०७८ मा पशु तथा पंछी पालन गर्नेहरुको सुरक्षालाई मध्यनजर गर्दै वीमा कार्यक्रममा सहुलियत प्रदान गर्ने कार्यक्रम ल्याएको हो ।

गाउँपालिकाको पशु विकास कार्यक्रमकि डा. मोनालिसा खनालका अनुसार तिनाउ गाउँपालिकाले पशुपन्छी वीमा कार्यक्रम सुरु गरेपछी अव किसानले १२.५ प्रतिशत रकम मात्र रकम बहोरे पुग्नेछ ।

किसानले वीमा गरेवापत २५ प्रतिशत रकम तिर्नुपर्ने रकममध्येको २५ प्रतिशत प्रिमियम रकमको पनि ५० प्रतिशत रकम तिनाउ गाउपालिकाले तिर्ने भएको हो । गाउँपालिकाका कृषि शाखा प्रमुख हेमन्त शर्माका अनुसार वाख्रा, गाई, भैसी, वंगुर लगायतका पशुहरु तथा कुखुरा, हाँस, टर्की लगायतका पंछी पालन गर्ने किसानको राहतको लागि गाउपालिकाले वीमामा सहयोग गर्न खोजेको हो ।

नेपाल सरकारले पशुपन्छी पालन गर्ने किसानलाई वीमाको ७५ प्रतिशत रकम सहयोग गर्दै आएको थियो, किसानले २५ प्रतिशत रकम तिर्नुपर्ने थियो ।
तिनाउ गाउपालिका पाल्पाले शिद्धार्थ इन्सोरेन्स कम्पनी संग वीमा कार्यक्रम गर्ने तय गरेको छ । अव तिनाउमा पशु तथा पंछी पालन गर्ने किसानले इन्स्योरेन्स कम्पनीमा सिधै गएर वीमा गर्न सक्नेछन् । गाउँपालिका भित्र साना तथा ठूला पशुपन्छी पालन गर्नेहरुको लागि वीमाले राहत प्रदान गर्ने गाउँपालिकाका अध्यक्ष ओम बहादुर घर्ती मगरले बताए ।

चुरे क्षेत्रमा पर्ने तिनाउ गाउँपालिकामा कृषि, पशुपालन र पंछी पालन गर्ने बढ्दै गएका छन् । खासगरी गाई तथा भैसी पालन, कुखुरा, वंगुर लगायतका दर्जनौं फर्महरु तिनाउमा रहेका छन् ।