© २०२३
१० मंसिर २०८१, सोमबार
१० मंसिर २०८१, सोमबार
कोभिड १९ को संक्रमणको जोखिम उच्च रहेको जनाउदै कपिलवस्तुमा एक हप्ता निषेधाज्ञा थप गरिएको छ । जिल्ला प्रशासन कार्यालय कपिलवस्तुले एक सूचना जारी गरि उक्त जानकारी गराएको हो । कपिलवस्तुमा साउन २३ गतेदेखि साउन मसान्तसम्म निषेधाज्ञा जारी गरिएको थियो ।
प्रशासनद्धारा जारी सूचनामा सरकारी कार्यालय, बैंक तथा वित्तिय संस्थाका संपूर्ण सेवा वन्द गर्ने भनिएको छ । जिल्लामा कोभिड १९ को अवस्था विश्लेषण गर्दा अझै उच्च जोखिम देखिएको हुँदा साउन ३२ गते राती १२ बजेदेखि भदौ ७ गते राती १२ बजेसम्म निषेधाज्ञा थप गरिएको जिल्ला प्रशासन कार्यालय कपिलवस्तुद्धारा जारी सूचनामा जनाइएको छ ।
त्यसैगरी सबै किसिमको व्यापार व्यवशाय बन्द गर्ने, उद्योगधन्दाहरु न्यूनतम स्वास्थ्य मापदण्ड अपनाएर संचालन गर्ने उल्लेख छ । अत्यावश्यक वस्तुहरु एम्बुलेन्स, शवबाहन र राजमार्ग भएर गुड्ने सवारी साधानहरु भने संचालनमा रहने भनिएको छ ।
खाद्यान्न तथा तरकारी किनमेलका लागि विहान ८ बजेदेखि १० बजेसम्मको समय तोकिएको छ ।
© २०२३
सर्वाधिकार सुरक्षित
Design & Developed By:
